瑰麗紅色胭脂．唇膏　2021限定喱士系列

臨近新年，唔少化妝品牌都推出華麗紅色系列。Dolce&Gabbana Beauty 今年就將品牌兩款皇牌產品推出瑰麗紅色限量版，印上優雅喱士圖案，靚到裝飾品一樣。

Blush of Roses 亮澤腮紅 HK$460 (2021年2月推出)
出名絲絨觸感嘅胭脂，輕輕掃上可以展現自然玫瑰光澤。桃紅色調適合任何膚色，肌膚望落更柔滑。

The Only One 亮澤唇膏 HK$420 (2021年2月推出)
品牌最經典熱賣嘅唇膏，輕輕一搽就有濃郁唇色同絲緞光澤，質感輕盈絲滑。唇膏配方極度滋養，美唇同時補濕水潤。