「雞蛋仔藝術節」駕到
潮食破格雞蛋仔

邊個係雞蛋仔的粉絲？

港式經典美食雞蛋仔相信無人不曉，而去年大受歡迎的「雞蛋仔藝術節」又再回歸了，今次還附上更多口味，估唔到雞蛋仔都可以有如「七十二」變咁出眾，既可以cross-over中式經典，又可以加入外國食材做個靚靚小食，共有12個創意雞蛋仔攤檔，加埋餐飲美食檔以至主題手作攤位，係「雞蛋仔迷」就一定唔好錯過啦！

文、部份圖片：Jamie

星空下的雞蛋仔：摩芽雞蛋仔
加入蜜糖星星做餡、仲大玩竹炭口味的星星雞蛋仔，可愛到要相機食咗先。仲可以加入棒子、奶黃或者朱古力餡料，軟中帶點脆口。

Facebook專頁：more.eggettes

芫荽出沒注意－「滿屋雞蛋仔」

(左至右)煎餅亞豬媽、草莓妹妹及芫荽神：三款味道真的意想不到，有韓系有甜品又有另類的「芫荽」。「芫荽控」相信都想一試！

Facebook專頁：fullhouseegglet

麵包都可以做餡？「甜甜味ｘ嘉嘉餅店」

菠蘿包雞蛋仔：呢個究竟係有菠蘿包先定有雞蛋仔先？下圖分解！

原來先將菠蘿皮的餡料放在雞蛋仔的模具中！雞蛋仔店「甜甜味」，今次就同一間麵包店做聯乘，除了菠蘿包餡，仲有椰蓉雞蛋仔 、南乳雞蛋仔以至抹茶紅豆芭菲都有。

經典蘿蔔糕都有！「家香」

蘿蔔糕鹹雞蛋仔：這家新派廣東小菜館，老闆和廚師都會以西式或新派的烹調方法重新演繹中菜。

Facebook專頁：kasahongkong

做西式甜品都得！「辦館LOF10 Bar Dining」

層層疊雞蛋仔：以中西合壁打響名堂的辦館LOF10 Bar Dining，在今次的藝術節就限定提供層層疊雞蛋仔，擺盤夠靚。

Facebook專頁：lof10cwb

雞蛋仔以外  更特色巨型裝置！
除了有得食，現場仲有個特大的雞蛋仔裝置，要打卡的朋友，記得記得呢個「雞蛋仔」啊！

這個超巨型雞蛋仔高約1.8米，由KaCaMa Design Lab為藝術節設計，用上可循環再用的物料製成裝置藝術「四圍雞蛋仔」，像真度頗高。

現場於每日的下午指定時間，更有不同的音樂團體表演不同風格的音樂，想知道更多攤位及其他詳情，可向商場查詢。

「雞蛋仔藝術節．七人欖球升級版」活動詳情
日期：3月30日至4月2日（星期五至星期一）
時間：上午11時至下午7時
地點：銅鑼灣利園一期私家路（希慎道33號）
入場費用：全免
Lee Gardens Facebook： LeeGardensHK