去ifc 商場行個桃花運　消費換領精緻禮品

農曆新年當然要去行個桃花運，再買嘢畀自己同親友開心吓。ifc商場即日起至2月21日期間呈獻「迎春福至桃花臨」桃花裝置，以秀麗桃花同牡丹將商場裝置得喜氣洋洋，大家仲可以同朋友喺桃花下轉個靚圈。

花藝師主理　年花綻放
今次邀請咗花藝師Ellie Kam 金舒琪(MDFD) 打造「花團錦簇喜迎春」，設計出寓意祥瑞吉祥嘅年花，半環形銀柳設計展現欣欣向榮姿態，配上萬代蘭、紅掌、比利時杜鵑同繡球花等，分別象徵幸福滿溢、鴻運當頭同美滿希望等。

大玩Instagram 濾鏡　舞獅共舞
新年梗係要自拍呃吓Like，估唔到ifc 商場連Instagram Filer都有！只要拎起電話Scan 花圃內嘅QR Code，手機屏幕即刻出現舞獅Filter 同賀年音樂自拍。

書法家設計　氣派書法祝賀卡
本地書法家Karen Tong 亦為今次活動設計咗4款花形祝願卡，以「健康」、「幸福」、「團圓」同「如意」為題，為大家送上祝福語。只要Scan 賀卡上嘅QR Code ，仲可以瀏覽領取商戶禮遇。

ifc 商場「迎春福至桃花臨」新春花藝裝置
日期：即日起至2月21日（星期日）
時間：每日早上10時30分至晚上10時
地點：ifc商場1樓新春花藝裝置 (鄰近1039號舖Club Monaco)

新年消費禮遇
即日起至2月16日或禮品送罄為止，同日以電子貨幣消費滿HK$2,000 即可換領禮品#—DALLOYAU朱古力夾心餅及朱古力精緻禮盒禮券乙張 或 福茗堂開花茶禮盒(花好月圓75克及花茶玻璃杯乙個)禮券乙張。仲有其他餐飲禮券、電子購物禮券#㗎，詳情可向ifc 商場查詢。

賀年禮品Shopping！
既然有得消費換領禮品，當然要睇吓有咩買啦！原來ifc 商場都有好多適合自用或送禮嘅賀年品㗎！

Baked Indulgence
Baked Indulgence 同藝人陳凱琳聯乘推出「限量版新春曲奇禮盒」，以陳凱琳最愛口味為靈感構思4款口味，如開心果紅寶石朱古力、香芋斑蘭等。禮盒加埋迷你曲奇，可以一次過食到經典口味同創新曲奇。

agnès b. LA LOGGIA bis
agnès b. 將東方傳統融入法式禮盒，除咗經典口味朱古力禮盒，仲有新春幸運朱古力攢盒裝滿粒粒果仁配搭各款味道嘅朱古力。

福茗堂茶莊
茶具套裝嘅龍泉青瓷茶可以「青如玉、明如鏡、聲如磬」嚟形容，附有一壺四杯，杯壺上有栩栩如生嘅金魚，寓意年年有餘。

#所有禮品及購物禮券數量有限，先到先得，送完即止。優惠受條款及細則約束。