「十一良心消費運動」正式啟動　光顧社企助弱勢社群

豐盛社企學會主辦嘅「十一良心消費運動」，一直積極推動社會企業發展，推廣本地社企服務或產品，加深大家對社企認識並以消費支持社企，幫助弱勢社群。

嚟到2020年，「十一良心消費運動」踏入第九屆，繼續由陳慧琳小姐擔任「十一良心消費大使」，並宣告今年主題為「以消費傳遞愛」，鼓勵大家以日常生活費用嘅十分之一光顧社企回應社會問題，扶助弱勢社群，特別喺疫情下用自己力量傳揚愛。

由2020年9月起至3月活動期間，舉辦多個推廣社企活動，提供更多渠道接觸社企產品。其中「購物獎賞計劃」，市民可於2020年9月25日至2月28日内，只需要喺指定社企消費＋集齊印花，就可換領豐富社企禮品！

番茄乾紅醬 (二澳農作社)
紅醬以意大利、美國、本地等各地番茄調配，味道有層次。並經高溫處理，含有豐富茄紅素，營養價值高，用嚟做意粉、Pizza等非常方便。

蔬果清潔酵素 – 清潔用品 500ml (生果媽媽)
由婦女員工研發利用果皮製作嘅環保酵素，天然植物配方無添加香料，可以用嚟清洗蔬菜、水果，減少化學物品污染海洋。

Made Good 有機士多啤梨什錦穀物棒 (「樂協」社團優惠坊)
加拿大有機全穀物食品，蘊含一份蔬菜嘅營養素，成份包括原粒燕麥、杏脯、士多啤梨、蘋果等，含豐富維他命C，促進鐵質吸收。

網上銷售平台　買社企福袋畀弱勢社群
除咗可以親身到社企買嘢支持有需要人士，10月亦推出全新網上銷售平台「TECM MALL」，疫情下唔使外出都可以輕鬆買嘢。同時加推「義購企劃」，畀有心人買社企福袋，之後由主辦單位同合作社企將福袋送到弱勢社群手上。消費者買得愈多，就愈多弱勢社群受惠，希望令更多弱勢社群度過疫境。

星級主持網上直播
由10月份起一連4個星期三（10月28、11月4、11及18日）「十一良心消費運動」將以直播形式舉行Happy Wednesday Live 為大家介紹社企服務或產品，大會更邀請嚟自各界唔同嘅星級主持坐鎮，期望大家多多支持！

Happy Wednesday Live 日期及時間
第一回：2020年10月28日
第二回：2020年11月4日
第三回：2020年11月11日
第四回：2020年11月18日
每晚時間：晚上8時半至9時半

Click 入去睇社企資料>>www.tecm.hk