【屯馬線一期】行1分鐘即到新顯徑街市　美食街開到22:00！

屯馬線一期喺2月14日通車，由大圍可以搭去顯徑、鑽石山同啟德，大圍居民真係方便咗好多～同大圍僅一站之隔嘅顯徑站，毗鄰仲有顯徑商場同街市，最近亦以全新面貌登場，仲特別請嚟本地畫家何博欣繪製12幅壁畫，沙田友又多個好地方買嘢行街喇。

新裝潢商場、街市環境更乾淨，比之前更開揚寬敝。仲有全新美食街，提供各國菜式同本地粥麵小食，每日營業至晚上10點，又多個宵夜地方喇！

90後畫家何博欣(Vivian Ho) 就以沙田景緻同各款美食為主題，畫上12幅壁畫貫通整個街市，行街買餸都有視覺享受，沙田友特別有親切感喔～