【聖誕2024好去處】全港16大聖誕裝飾+活動詳情（持續更新）

話咁快就踏入聖誕月喇！即刻為你集合全港多區商場嘅精緻聖誕燈飾、限定活動，等大家放假都有好去處～

 

【港島】

中環ifc商場：奇幻玩具之旅 解鎖魔法玩具工廠神秘世界

傳說中，聖誕老人會喺夜幕降臨前夕，騎住馴鹿雪橇穿越星空，靜靜雞去到每個好孩子嘅屋企，由煙囪送上小朋友心儀嘅聖誕禮物。而IFC商場將中庭打造成一個熱鬧非凡嘅「魔法玩具工廠」聖誕裝置，提供8大互動體驗兼打卡熱點，大家可以搖身一變聖誕精靈小幫手， 齊齊Enjoy節日氣氛！

香港ifc商場「魔法玩具工廠」裝置
日期：即日起至2025年1月1日
時間：10:30-22:00
地點：香港ifc商場一樓中庭

 

銅鑼灣皇室堡：Pokémon冬日大冒險

今個聖誕，一眾Pokémon以冬日主題亮相皇室堡。Pokémon現身於3大打卡位，陪伴大家過聖誕，包括逾2米高嘅卡比獸同大家熟識嘅妙蛙種子、小火龍、傑尼龜等；由接近百張寶可夢集換式卡牌遊戲卡牌堆砌出嘅4米高Bling Bling發光聖誕樹；以及首次以立體造型喺香港登場嘅可達鴨。仲有仲有，伊布同一眾Pokémon引領嘅雪橇車都會搵到，迎接各位Pokémon粉絲到來！

皇室堡【Pokémon冬日大冒險】
日期：即日起至2025年1月1日
時間：10:00-22:00
地點：皇室堡地下中庭

 

中環大館：12米閃亮高聖誕樹

香港賽馬會（馬會）適逢成立140週年，同大館再次舉辦年度節慶活動「馬會x大館——小心意 • 大衆樂2024」。高聳12米嘅聖誕樹會化身成奇幻遊樂場，於檢閱廣場中央綻放閃耀！聖誕光芒點止咁少？古蹟群嘅建築外牆亦會佈滿閃爍迷人嘅燈飾，整個大館化身成璀璨閃炫嘅聖誕國度。同時，香港首個當代馬戲藝術節之一《玩轉大館馬戲季》，亦會帶嚟12個全新馬戲節目，活現當代馬戲藝術的攝人魅力！

大館《音樂禮贊及聖誕樹》
時間：08:00-23:00
地點：中環大館

太古城中心：冰上皇宮「冰雪盛會」

太古城中心冰上皇宮舉行緊「太古城中心冰上皇宮：冰雪盛會」，推出一系列冰上歡慶活動，包括冬日閃耀冰上匯演、除夕冰上倒數派對，奏響無數歡樂樂章！當中冰上匯演邀請到世界級溜冰選手Craig Thomas Heath表演優雅舞步，令人眼前一亮。至於除夕冰上倒數派對將會有人氣創作樂隊per se、人氣創作男歌手Kay Chan 陳章棨、Juni 梁瑞峰以及唱作歌手Manson 張進翹，一齊迎接2025嘅來臨！

太古城中心冰上皇宮冬日閃耀冰上匯演
日期：2024年12月20-22日
時間：18:00-19:30
地點：太古城中心一樓太古城中心冰上皇宮

太古城中心冰上皇宮除夕冰上倒數派對
日期：2024年12月31日
時間：21:00-00:10（音樂表演由22:00開始至00:00結束）
地點：太古城中心一樓太古城中心冰上皇宮

 

【九龍】

九龍塘又一城：5米HANGYODON雪山

Sanrio人氣角色HANGYODON首度來港！！當中5米高的雪山造型HANGYODON取代傳統聖誕樹，極具視覺震撼。場內更有HANGYODON鳥居、登山纜車、雪人等佈置，仲有會場獨家推出嘅多款限定周邊商品，等住大家大量掃貨～～

《HANGYODON • HONG KONG WINTER FUN FEST 2024》佈置及期間限定店
日期：即日起至2025年1月1日
時間：11:00-21:00
地點：又一城LG2層
備注：2024年12月24-26日及12月31日開放時間將會延長至23:00

 

尖沙咀iSQUARE：My“Deer”Christmas

尖沙咀iSQUARE國際廣場變身成最萌聖誕國度，由即日起至2025年1月1日，聯同Fluffy House 人氣角色「親親小鹿My Dear Deer」呈獻【iSQUARE國際廣場My“Deer”Christmas】，連同近百隻小鹿首度登「鹿」商場大型裝置！3大打卡區域包括：6米高著住聖誕裝束嘅粉藍色小鹿、初次曝光3米高「小鹿聖誕樹」、大堂樓層iEXHIBITION聖誕「鹿」園森度遊。

iSQUARE國際廣場My“Deer”Christmas
日期：即日起至2025年1月1日
時間：10:30-22:30
地點：地下iPIAZZA、3樓iFUNCTION、大堂樓層iEXHIBITION

 

鑽石山荷里活廣場：Piske and Usagi「玩轉粉紅遊樂園」

荷里活廣場聯乘日本人氣高企角色Kanahei’s Small animals，打造冬日限定「荷里活廣場x Piske and Usagi『玩轉粉紅遊樂園』」，帶你遊覽多個粉紅可愛打卡位及樂園區！當中以P助與粉紅兔兔為主題打造2大玩樂區同4大打卡區，一眾粉絲可以同P助打卡影靚相。

荷里活廣場 x Piske and Usagi「玩轉粉紅遊樂園」
日期：即日起至2025年1月5日
時間：10:00-22:00
地點：鑽石山荷里活廣場一樓明星廣場

 

Mira Place：聯乘無印良品打造夢幻聖誕小鎮

由即日起至2025年1月1日，Mira Place成為全港首個商場與無印良品攜手打造聖誕裝置——「Mira Giftmas with MUJI」夢幻聖誕小鎮，揉合巨型無印良品熱賣商品，變身成5大「無印風」聖誕打卡位。包括以大量無印良品家品打造的「MUJI Xmas Home 暖心小木屋」、以巨型無印良品甜點打造的「北極熊甜點角落」及「漫雪水晶球」、7米高的「幻彩聖誕樹」、以大量禮物盒堆砌而成的「MUJI Giftland」，同埋最IGable嘅聖誕人生四格照體驗，大家千祈唔好錯過啦！

Mira Place「Mira Giftmas with MUJI」聖誕裝置
日期：即日起至2025年1月1日
時間：10:00-22:00（戶外裝飾開放至晚上12時）
地點：Mira Place 中庭、大堂、行人天橋及 Mira Steps

 

旺角TOP：聖誕すげえ（薯茄）樂園 @T.O.P

本地超人氣網絡團體Pomato小薯茄過去八年，一直憑住「由簡單創出不平凡」嘅創作意念，為大家帶來《薯茄Party Game》同埋《雪櫃冷笑話》等街知巷聞嘅系列。今個聖誕，配合其8周年主題「希望」，由即日起至2025年1月12日，薯茄將化身聖誕老人同鹿仔，聯同旺角潮流文化集中地T.O.P This is Our Place（以下簡稱T.O.P）攜手呈獻【聖誕すげえ(薯茄)樂園 @T.O.P】。T.O.P場內將設有五大打卡位，並推出「聖誕すげえParty Game」以及「FINALLY 終粉見面會」等一系列主題活動，同場仲有多款期間限定主題精品，與各位小薯茄過一個歡樂又好玩的聖誕節。

聖誕すげえ(薯茄)樂園 @T.O.P
日期：即日起至2025年1月12日
地點：旺角彌敦道 700 號 T.O.P This is Our Place

 

尖沙咀The ONE：可愛Care Bears Dreamland

尖沙咀The ONE由即日起至2025年1月1日，邀請嚟自遙遠雲層間Care-a-Lot 國度嘅快樂代表 —— Care Bears家族，施展獨特魔法，打造6大滿載正能量嘅夢境！場內更設有「The ONE x Care Bears期間限定店」，發售逾300款主題精品兼會場限定新品，並設有會場限定「Catch Your Luck抽卡機」，推出32款全新限量版魔法小卡。

【The ONE x Care BearsTM Dreamland】開放詳情
日期：即日起至2025年1月1日
時間：11:00-22:00
地點：尖沙咀The ONE UG2中庭

「The ONE x Care BearsTM期間限定店」開放詳情
日期：即日起至2025年1月1日
時間：11:00-21:00
地點：尖沙咀The ONE UG2中庭

 

旺角MOKO：KEROKEROKEROPPI Merry KissMas 聖誕皇室庭園

KEROKEROKEROPPI以王子造型於MOKO新世紀廣場華麗登場！由即日起至2025年1月1日，MOKO中庭化身成別具氣派嘅皇室城堡「MOKO x KEROKEROKEROPPI Merry KissMas 聖誕皇室庭園」，角色有唔同貴氣造型穿梭喺5大唯美打卡場景，大家可以同佢見面喇～

MOKO x KEROKEROKEROPPI Merry KissMas 聖誕皇室庭園
日期：即日起至2025年1月1日
時間：10:00-22:00
地點：MOKO 新世紀廣場MTR樓層中庭

 

尖沙咀海港城：The Big Little Christmas

海港城今個聖誕再度同超人氣日本微型攝影藝術家田中達也（Tatsuya Tanaka）合作，即日起到2025年1月1日，喺呢度呈現佢第一個以聖誕為主題嘅藝術活動，包括「The Big Little Christmas」大型戶外聖誕裝置同埋「Countdown to Mini-mas」微模型展覽，打完卡睇展覽啱晒啊！

「The Big Little Christmas」大型戶外聖誕裝置
日期：即日起至2025年1月1日
時間：10:00-22:00
地點：海運大廈露天廣場

「Countdown to Mini-mas」微模型展覽
日期：即日起至2025年1月1日
時間：11:00-22:00
地點：海港城美術館（海洋中心二階207號舖）

 

尖沙咀LCX：POP MART泡泡萌粒過聖誕

POP MART全新推出POP BEAN（泡泡萌粒）聖誕特別系列，打造出可愛嘅聖誕主題場景。SKULLPANDA、DIMOO、LABUBU、PUCKY等人氣潮玩角色化身泡泡萌粒，現場設有盛載唔同角色嘅聖誕火車、水晶球、聖誕派對小屋同埋聖誕樹等裝飾，無論行到邊個角落，都可以搵到佢哋嘅身影㗎！當中最備受矚目不得不提喺香港地區首發嘅限量版DIMOO心願鹿萌粒，極具收藏價值！

LCX | POP MART【泡泡萌粒過聖誕】活動及期間限定店總覽
日期：即日起至2025年1月3日
時間：10:00-22:00
地點：尖沙咀海港城海運大廈三階 LCX

 

新蒲崗Mikiki：聯乘誠品書店呈獻「賴馬異想聖誕小鎮」

Mikiki及誠品書店聯同台灣著名兒童繪本得獎作家賴馬，帶嚟首個海外特展，打造「賴馬異想聖誕小鎮」！由即日起至2025年1月1日期間，賴馬筆下一眾可愛角色會跳出《愛哭公主》、《生氣王子》、《勇敢小火車》等人氣繪本並現身喺Mikiki。商場兩大中庭搖身一變成為「賴馬異想聖誕小鎮」主題裝置，仲有以「聖誕火車站」為主題嘅期間限定店，大家可以同「生氣王子」、「愛哭公主」等人氣角色合照，甚至拍攝「即影即有」留念！

Mikiki × 誠品書店「賴馬異想聖誕小鎮」
日期：即日起至2025年1月1日
中庭A區展覽時間：星期一至日 10am – 10pm
中庭B區營業時間：星期日至四 11:45am – 8:15pm；星期五、六及公眾假期前夕 11:15am – 8:45pm
地點：Ｍikiki地下中庭A區及B區

 

【新界】

荃灣廣場：LINE FRIENDS minini Y3K未來科幻風MBTI主題

今個冬日佳節，荃灣廣場請來充滿俏皮可愛魅力嘅LINE FRIENDS minini，活動融合風靡全球嘅 MBTI主題同埋充滿「未來感」嘅科幻Y3K風格於一身，採用充滿未來感嘅銀色、電光藍、Z世代綠、炫彩紫等為主調，打造色彩繽紛而且充滿未來感嘅個性打卡專區！

LINE FRIENDS minini meets Tsuen Wan Plaza 16型人格玩轉 Y3K 冬日樂園
日期：即日起至2025年1月1日
時間：10:00-22:00
地點：L5 PLAY GARDEN空中樂園

 

坑口東港城：東港城×My Sweet Piano甜蜜冰之國

東港城聯乘Sanrio旗下嘅超人氣角色：粉紅小綿羊My Sweet Piano，同大家一齊展開一場甜蜜冰雪之旅！由即日起至1月1日，「甜蜜冰之國」聖誕主題活動將場內打造成粉色冰雪天地，特設全港首個My Sweet Piano主題嘅環保溜冰場，佔地近2,000呎！場內仲有6大甜蜜打卡場景，可愛值爆燈！！

LINE FRIENDS minini meets Tsuen Wan Plaza 16型人格玩轉 Y3K 冬日樂園
日期：即日起至2025年1月1日
時間：10:00-22:00
地點：東港城一樓中庭

 

昂坪360：全新懷舊主題纜車+懷舊聖誕攤位遊戲

香港知名旅遊景點之一嘅昂坪360將於即日起至2025年1月1日，推出期間限定港式懷舊主題纜車，更同開業75周年嘅香港經典品牌紅A攜手舉辦「昂坪360×紅A聖誕夢工場」，透過紅A聖誕佈置、75周年珍藏展覽同埋攤位遊戲，打造懷舊聖誕樂園。

港式懷舊主題纜車
日期：即日起至2025年1月1日
時間：10:00-18:00
紅A聖誕攤位遊戲
日期：即日起至12月22日（逢星期六及日）、12月24日至12月29日、2025年1月1日
時間：11:00-17:00
地點：昂坪市集12號商店 （360旅遊資訊中心對面）