【買定靚月餅】米芝蓮推介食府出品　限量月餅茗茶禮盒

中秋慶團圓，係一家人一齊食月餅、賞吓月嘅日子，當然要趁早揀定靚月餅啦。唔少米芝蓮級月餅都非常搶手，所以揀啱就要早啲入手。米芝蓮推介食府之一嘅國金軒都有出品月餅系列，每年都掀起搶購風。除咗傳統蛋黃白蓮蓉月餅同招牌金沙奶皇迷你月餅，今年仲有集4款新派口味嘅「精品四藝」迷你月餅禮盒，同配備澄明茶器嘅「月下．唯美」月餅茗茶禮盒。

新口味　「精品四藝」迷你月餅禮盒
一盒有晒4款迷你月盒，包括古早味鳳梨月餅、招牌金沙奶皇迷你月餅、國金軒首創玫瑰醬洛神花奶皇月餅同黑芝麻蛋黃月餅。

古早味鳳梨月餅用新鮮菠蘿熬煮餡料，果香濃郁，咬落煙韌唔黏牙；金沙奶皇月餅就用黃金比例調配奶皇餡料，綿滑又有少少蛋黃顆粒口感，牛油皮亦好金黃鬆化；玫瑰醬洛神花奶皇月餅就用全天然洛神花涼果同玫瑰醬調配奶皇餡料，可以試吓清甜口味月餅；黑芝麻蛋黃月餅則有豐富烘烤堅果香氣，幾有新鮮感。

限量發售　「月下．唯美」月餅茗茶禮盒
一啖月餅、一啖熱茶確實好舒暢，國金軒嘅茗茶月餅就有齊靚茶同餅喇。特別搜羅上乘雲鼎柑普茶，以新會柑同6年普洱熟茶一齊生曬，茶香醇厚、喉韻甘潤；配埋國金軒至尊六黃白蓮蓉月餅，白蓮蓉清甜不膩，6顆鹹蛋黃確保每一切件都有蛋黃油香。

禮盒仲有雅致澄明茶具套裝，杯身晶瑩通透，沖泡柑普茶時同時保存熱度同茶香。留意返，「月下．唯美」月餅茗茶禮盒係限量發售，想買就要快喇。

國金軒月餅於2間國金軒、Mira eShop同翠亨邨發售或換領點。禮券由即日起開始發售至2020年9月22日，預購優惠高達74折，大量訂購可享更高折扣優惠。所有月餅均設網上訂購服務，詳情請瀏覽www.Mira-eShop.com。