召喚寶可夢粉絲 尖沙咀玩轉「Pokémon TCG消失的異世神殿」

傳說寶可夢之一嘅騎拉帝納據說在古代的異世神殿出沒，各位訓練家由即日起至2022年9月4日，可以去尖沙咀LCX嘅「Pokémon TCG消失的異世神殿」，捕捉寶可夢嘅蹤影！

場內除咗有一眾傳說寶可夢會現身「異世神殿」外，重設有搜羅咗多款寶可夢中心原創商品嘅寶可夢異世商品店、Nintendo Switch寶可夢遊戲電玩區，以及寶可夢集換式卡牌遊戲對戰區，讓各位訓練家切磋一番。

異世神殿：傳說寶可夢朝聖之旅 Pokémon TCG卡牌展覽

大家可以一次過飽覽逾300張寶可夢集換式卡牌，皮卡丘喺特定日子會親臨現場同大家合照。

LCX 皮卡丘粉絲見面會
日期：2022年8月6、7、13、14、20、21、27、28日（星期六及日）
時間：15:00-17:45
地點：尖沙咀海港城海運大廈三階LCX 正門

（每小時正點為一個時段，籌號於每時段開始前之15分鐘派發；各個時段的名額有限，先到先得，詳情將於7月底在LCX網頁或社交媒體發放。）

寶可夢異世商品店：熱搶寶可夢中心原創商品

過百件寶可夢精品中，絕大部分係寶可夢中心原創商品，包括騎拉帝納、阿爾宙斯等傳說寶可夢的毛公仔、寶可夢集換式卡牌遊戲25週年黃金紀念箱，以及各款25週年頂級收藏箱等！同場更加推HYPEBEAST聯乘系列嘅潮流服飾，有機會買到T恤、圍巾、地氈等多款型格產品。

寶可夢異世商品店
營業日期：即日起至2022年9月4日
營業時間：10:00-22:00
地點：尖沙咀海港城海運大廈三階LCX Oasis 2（祥仔辣辣前方）

遊戲對戰區域：免費試玩Nintendo Switch寶可夢遊戲+卡牌對戰

同場設有今年年初發售嘅《寶可夢傳說 阿爾宙斯》遊戲試玩體驗，而各位訓練家可以喺週末免費同其他訓練家進行寶可夢集換式卡牌遊戲對戰。參與遊戲體驗或卡牌對戰後，訓練家更有機會得到《寶可夢 朱/紫》初期3隻寶可夢造型帽1頂。

遊戲對戰區域 — 免費試玩Nintendo Switch寶可夢遊戲及卡牌對戰
活動地點： 尖沙咀海港城海運大廈三階 LCX Oasis 3 HISSO前方
活動：免費試玩任天堂Switch遊戲 《寶可夢傳說 阿爾宙斯》、免費參與寶可夢集換式卡牌遊戲對戰體驗
日期及時間：即日起至2022年9月4日，每日12:00-20:00

寶可夢‧異世神殿之失落地圖+神秘禮品

各位訓練家喺LCX展開探險時，可以到指定地點索取「寶可夢‧異世神殿之失落地圖」，集齊所有失落嘅印鑑後，有機會獲得神秘禮品。

寶可夢‧異世神殿之失落地圖
活動日期及時間：即日起至2022年9月4日，10:00-22:00

指定消費換領寶可夢精選禮品

顧客喺LCX任何商戶同寶可夢異世商品店消費滿HK$200起，即可換領禮品一份，包括卡比獸扇、寶可夢文件夾套裝其中一款（A4 + A5）、皮卡丘收藏級書籤禮盒，數量有限，換完即止。