可口可樂推出新春限定「煙花祝福罐」 大抽獎送主題船享盆菜

農曆新年，最重要莫過於同摯愛親朋一齊開心Share璀璨幸褔時刻。可口可樂特別推出佳節版「煙花祝福罐」，以煙花綻放圖案傳遞新年祝褔；消費者仲可以參加「一開激爽綻放新年賞」大抽獎賀新歲，有機會贏得限定體驗「可口可樂®煙花盆菜遊船賀」，約埋朋友大年初二登上可口可樂主題特色遊船，喺維港煙花下嘆超豐富盆菜宴！

「煙花祝福罐」農曆年限定登場 綻放團聚歡樂

為迎接新一年，可口可樂推出佳節版「煙花祝福罐」，用上充滿喜慶嘅煙花祝福主題迎接新春。煙花圖案金光炫麗多彩，象徵繁花似錦嘅新年祝願，仔細睇仲發現到煙花暗藏可口可樂經典弧形玻璃瓶，寓意每個團聚時刻，都有可口可樂同你「年」在一起。「煙花祝福罐」四款獨特煙花圖案，分別配上「吉祥如意」、「時來運轉」、「五福臨門」以及「富貴有餘」祝福語，飲住可樂應節！

賀年大抽獎限定體驗「可口可樂®煙花盆菜遊船賀」

可口可樂® 推出重磅賀年活動「一開激爽 綻放新年賞」大抽獎賀新歲，即日起至2月13日期間，凡購買指定可口可樂公司金蓋 / 金拉環產品，掃描產品金蓋或金拉環內嘅QR Code，或輸入登記碼，即可參加抽獎，即時揭曉結果，有機會贏取超過7,000份新年激賞獎品。

「綻放新年賞」活動分兩期舉行（第一期：即日起至1月20日；第二期：2025年1月21日至2月14日），第一期限定體驗「可口可樂®煙花盆菜遊船賀」將向10名得獎者送上獨特 船上新年體驗，每位得獎者可邀請四位親友，一齊喺大年初二（2025年1月30日）登上可口可樂主題特色遊船，享用豐盛盆菜宴。

頭獎限量可口可樂珍藏版紅卡 附送港幣$2,000超市禮券

頭獎為限量可口可樂珍藏版紅卡，唔單只係可口可樂迷唔可以錯過嘅珍藏紀念品，每張紅卡更附送價值港幣$2,000嘅超市禮券，伴你豐足過肥年。其他應節禮品包括可口可樂歡聚雙享料理鍋、暖笠笠毛毯、過千張便利店電子現金券等等，滿滿驚喜等緊大家！