周杰倫重磅擔任「雪碧」全球代言人！免費派發8萬罐+限定版包裝登場

夏日炎炎梗係要飲汽水降吓溫～「雪碧」今個夏天邀請到華語樂壇天王—周杰倫，擔任全球品牌代言人，粉絲一定要去捧場支持喇！除咗包裝有「周董」型格造型之外，仲有一系列限定禮品、抽獎同限時活動，即睇更多詳情啦！

周杰倫限定版「雪碧」登場！

周杰倫繼2008年擔任品牌大使，今年再次成為品牌全球代言人，將於今個夏季換上周杰倫限定版新裝，以全新形象示人，限量版靚到唔捨得飲啊～「雪碧」、無糖「雪碧」 500毫升膠樽裝、330 毫升罐裝、「雪碧」330 毫升高罐裝等產品嘅招牌綠色包裝，將會換上清新黃綠拼色，加埋周杰倫頭像特別醒目有型（心心眼）！想買限量造型嘅「雪碧」，喺各大便利店、超級市場、傳統士多同網上商店陸續開始有售喇。

全城福音！免費派發8萬罐「雪碧」

咁開心嘅事當然要全城一齊開心share，品牌特別安排「雪碧」透心涼補給站，由2024 年7月19至21日嘅中環海濱活動空間—白紙市集海夏///文創祭作為起點，其後將遊走全港各區，以流動車免費送出一共8萬罐冰凍無糖「雪碧」，仲可以一邊拎汽水，一邊欣賞「雪碧」x 周杰倫《稻香》Remix 搖滾版MV，即時激爽降温！想知流動車會喺邊度出沒，記得要密切留言品牌社交媒體公布啦～

飲「雪碧」雙重夏日驚喜 送出超過 2,500 萬透心涼禮遇

第一重驚喜：「雪碧」夏日透心涼即抽即獎

飲「雪碧」仲有機會贏大獎，品牌今夏推出「夏日透心涼即抽即獎」，送出超過數十萬份、總值超過港幣2,500萬嘅豐富獎品同禮遇。頭獎為價值港幣2萬6千元嘅台灣雙人來回商務客位機票連遠雄海洋公園成人門票2 張（名額3 名）；二獎為「雪碧」x 周杰倫特別版迷你雪櫃（名額 500 名），綠色醒目外型加上周杰倫頭像圖案，好有珍藏價值。其他豐富獎品包括香港海洋公園標準入場成人門票2張，以及香港太古可口可樂公司eShop網上購物平台$50優惠碼。

即日起至8月31日，惠顧任何「雪碧」或 無糖「雪碧」指定金蓋或金拉環產品，登入或開立會員帳戶，掃描金蓋或金拉環內之QR code，即可參加抽獎，即抽即獎。

第二重驚喜：無糖「雪碧」夏日大抽獎

另外，由即日起至8月31日，於指定零售商購買無糖「雪碧」產品，並憑收據到品牌平台登記，即有機會贏取「雪碧」x 周杰倫親筆簽名海報禮盒1 個，粉絲必儲啊！