尖沙咀免費飲逾70款日本酒 「推しの日本酒」強勢登場！

清酒迷唔可以錯過嘅快閃盛事！由日本貿易振興機構（香港）JETRO HONG KONG主辦嘅清酒活動——「推しの日本酒」將於2月21至23日（星期五至日）期間，喺尖沙咀 Mira Place盛大舉行！想知有咩特色就睇埋落去啦～

快閃3日！五大主題區+70款日本酒免費試飲

想體驗日本酒嘅多元風味？「推しの日本酒」設五大主題區，分別為傳統清酒、果酒、氣泡酒 SPARKLING、熟成酒以及NEW STYLE / CRAFT SAKE，畀大家一次過發掘唔同風格嘅日本酒魅力。每個主題區每日不斷更新日本酒款，每個時段都會提供4款唔同嘅日本酒，確保每次品飲都係全新驚喜！除咗品飲體驗，會場仲設有精美打卡區，提供多款日本酒主題道具同埋人形立板，畀大家影出日系氛圍靚相，同朋友一齊記錄香港版日本酒之旅～

23場免費工作坊　誠邀多位國際級日本酒達人坐鎮

日本酒唔只係飲品，更承載住深厚嘅文化同匠心技藝。今次「推しの日本酒」特設23場免費工作坊，邀請多位日本專家同侍酒師親臨香港，畀大家有機會進行面對面嘅深入交流。精選工作坊包括燗酒魔法師「五嶋慎也」剖析燗酒技藝、宮坂釀造少藏主「宮坂勝彥」分享七號酵母釀造奧秘，以及鳥取縣 x 鳥取酒旅子特別講座，探索當地特色酒款，仲有機會贏取香港米子來回機票！

推しの日本酒 （我推的日本酒）活動詳情
日期：2025年2月21-23日
時間：2025年2月21日（五）17:00 – 21:00；2025年2月22日（六）12:00 – 21:00；2025年2月23日（日）12:00 – 20:00
地點：尖沙咀彌敦道132號Mira Place B1 Atrium
費用：費用全免（工作坊需事前登記，只有部份名額可當日報名）
*是次邀請為免費活動，名額有限，先到先得，額滿即止。