清新小出走 新都會廣場夏日推「治癒花園」

今夏葵芳新都會廣場打造「治癒花園」，從視覺、嗅覺、聽覺、觸覺、味覺體驗「五感治療」。視覺方面，可以遊逛森林同海洋自然裝置、七彩心情花園椅、繽紛花海等療癒系佈置；嗅覺方面，則有寧神香草園；聽覺方面就有清新音樂；最後仲有綜合觸覺同味覺嘅體驗工作坊。

聯乘本地社企　打造森林．海洋大自然裝置
4樓露天廣場有「北歐森林」同「清新海洋」兩大自然裝置，係特別聯乘本地社企「木一番Woodrite」用回收嘅舊木升級再造，以淡柔和顏色為主調，放鬆寫意散步影相。

Sit Down and Give Your Mind a Rest
唯美風北歐森林系裝置，以恬雅色系勾勒出一層層岩土，組成兩座小山巒，並有點點燈泡組成可愛小花卉，入夜後燈光更唯美。

Take a Deep Breath
清新海洋裝置則用柔和藍色結合文青木系，展示水中暢游嘅鯨魚、岸上曬太陽嘅海星同向大家招手嘅珊瑚。入夜後有點點閃爍小燈泡，展示海洋嘅鎮靜能量。

七色心情花園椅　文字調劑心情
由7組巧思妙語串連嘅「七色心情花園椅」，柔和顏色小木椅寫上星期一至星期日嘅心情變化，例如 “Monday a fresh start”、“Sunday fun day” 等，利用文字調劑心情，好易影到心靈雞湯文青相。

隔籬仲有逾萬朵繽紛法蘭西菊花，以橙色、黃色交織成絢爛夏日花海，儼如一個秘密花園。

寧神香草園　5樓空中花園都市農莊
5樓空中花園嘅都市農莊仲有蔬果、食用花同香草嘅清新香氣，連嗅覺都好療癒。今次特設嘅香草園區，加入咗薄荷、羅勒、迷迭香等香草植物。

感官治癒手作坊　自製療癒小物
自製療癒小物嘅過程令人平靜心靈，放低壓力。「五感體驗工作坊」可製作花漾香草磚、法式香草果醬、迷迭香燕麥身體磨砂等。由即日起，憑指定積分及消費可換領「暑假通行證」，即獲「五感體驗工作坊」入場券一張；另可獲HK$300指定商戶現金券一套，可於戶外露天餐飲區享受大自然味覺體驗，同時賺取積分。

暑假通行證 – 五感體驗工作坊#
換領日期：2020年6月18日至7月31日
換領時間：上午10時至晚上10時
換領地點：新都會廣場L2顧客服務中心
活動日期：2020年7月4日至8月29日（逢周六）
活動時間：下午4時半至5時半
活動地點：新都會廣場L5空中花園
換領內容：The Point by SHKP會員憑500積分，即可換領「暑假通行證」，憑證於6月18日至7月31日期間於場內即日消費滿$3,800，即可尊享$300指定商戶現金劵一套，可於戶外露天餐飲區享受大自然味覺體驗，同時賺取積分，再額外賞「五感體驗工作坊」入場劵一張，可參與製作自己的專屬療癒小物 (名額180個)。

週末限定草地音樂會
每逢週日，商場都會邀請人氣busker 於露天廣場即場表演；同時場內亦會播放特別製作嘅療癒系專屬歌單，以「柔和釋壓」同「正能量」為主題，開展一場聽覺療癒之旅。

活動日期： 2020年7月5、12、19、26日及8月2、9、16、23日（逢周日）
活動時間： 下午3時 – 5時
活動地點： 新都會廣場L4露天廣場
人氣Busker：Mellissa 5/7, 2/8, 23/8、Chloe 19/7, 16/8、周籽言 12/7, 26/7, 9/8

商場處處散發　特調淡雅香氛
商場亦特別邀請香氛治療師殷秀珍為場內調配3款治癒香氛，身處商場唔同角落都能透過香氣療癒心靈。特調香氛採用清新典雅「小蒼蘭」、水果甜香「蘋果梨子」同結合鮮果、花同雲呢拿嘅「正能量」。

新都會廣場
地址：葵涌興芳路223號

#活動或因天氣情況而有所改動，詳情請留意商場Facebook專頁