暑假放電熱點SPORTS FIESTA 荃灣商場4大運動打卡位+齊齊睇焦點賽事

今個暑假嘅一大盛事，當然係四年一度嘅巴黎奧運！荃灣廣場為慶祝體壇盛事，特別設計一系列運動主題活動，當中有4大運動打卡位同多個涼快玩樂體驗，即睇有咩好玩啦！

「輕功水上飄競技樂園」繽紛充氣裝置

荃灣廣場嘅「SPORTS FIESTA」由即日起至8月11日期間展開，活動包括為小朋友度身而設嘅「輕功水上飄競技樂園」繽紛充氣裝置，冰感涼快嘅像真「水面」可以鍛鍊小朋友平衡力，唔濕身都可以消暑玩樂，仲可以喺彩虹頒獎台上留下勝利印記，同小朋友一齊打卡合照。

「輕功水上飄競技樂園」充氣動樂園開放詳情
日期：即日起至8月11日
時間：12:00至20:00
活動地點：荃灣廣場L1中庭
參加方法：商場會員以100積分並即日以電子貨幣消費HK$200，即可參與活動（每節20分鐘）
對象：2歲至12歲兒童

「全港兒童追逐運動會」

L1中庭同L5 PLAY GARDEN空中樂園將有聯乘KIDS FIT舉辦嘅「全港兒童追逐運動會」，喺香港體育總會認可兒童運動教練嘅專業指導同帶領之下，於室內外體驗集體跑步、捉迷藏以及障礙賽元素於一身嘅多元運動盛會，齊齊揮灑汗水兼鍛鍊體力，發揮運動潛能！同時，荃灣廣場亦會夥拍HOY TV轉播焦點賽事，將運動氣氛炒至最高點，有得玩仲可以睇比賽，一齊支持香港運動員！

「荃灣廣場 x KIDS FIT全港兒童追逐運動會」活動詳情
日期：即日起至8月11日
時間：13:00至18:30
活動地點：荃灣廣場L1中庭 & L5 空中樂園
參加方法：商場會員以100積分並即日以電子貨幣消費HK$100，即可參與追逐運動體驗並加送L5 空中樂園的戶外親子充氣障礙賽* （追逐運動體驗時間為30分鐘; 戶外親子充氣障礙賽為15 分鐘）
對象：3歲至12歲兒童
備註：
1. 追逐運動亞洲青少年冠軍賽【中國香港區選拔】將於7月27及28日、8月3及4日11:00至15:00於商場內舉行，請留意特別開放時間
2. 所有活動如有更改，恕不另行通知。戶外親子充氣障礙賽或會受天雨影響而取消，恕不另行通知及補償。