變形金剛主題餐廳推一週年三重賞優惠！

以變形金剛系列中，博派使用嘅大型太空飛船方舟The ARK作為設計概念嘅全球首間變形金剛主題餐廳旗艦店，適逢登陸香港一週年，品牌會有一連串慶祝活動，當中包括期間限定優惠，以及餐廳嘅星級主廚特別推出一系列全新能量美食，一班粉絲記得要把握機會朝聖啦！

週年慶三重賞優惠

為慶祝開業一週年特別推出三重賞優惠，包括可以換領變形金剛40週年限量版海報、變形金剛T恤以及變形金剛軟雪糕～

第一賞：變形金剛40週年限量版海報

餐廳內購買任何一款套餐，即免費獲贈一套4款嘅變形金剛40週年限量版海報其中一款，活動日期由即日起至5月21日，限量版海報款式每星期更換一次，送完即止。

*如客人於同日內消費滿$1,000或以上，即可獲贈整套4款變形金剛40週年限量版海報。（可合併使用同日兩張收據）

第二賞：變形金剛 T 恤隨心選

消費滿$350或以上，即可獲贈$158系列嘅變形金剛T恤隨心選一件（備有不同顏色、大/中/細碼選擇；可合併使用同日兩張收據）。

第三賞：變形金剛軟雪糕

消費滿$150或以上，即可獲贈變形金剛軟雪糕一杯（能量海鹽雪糕/特濃可可雪糕/海鹽可可扭紋雪糕）。

星級主廚精心研製出一系列全新獨家能量食譜，其中最具代表性「博派」美食嘅當然係「大黃蜂雞腿包」，漢堡包以《大黃蜂》造型設計，口感外脆內軟，充滿彈性；而「狂派」則以「麥加登」辣果醬脆雞最具代表性，獨家秘製韓式辛辣醬為主調，散發出微微酸甜嘅果醬，打卡又好食。

銅鑼灣旗艦店地址：（按此）
將軍澳分店地址：（按此）

今次一週年慶祝活動中，變形金剛「柯柏文」同「大黃蜂」會分別喺銅鑼灣、將軍澳店一齊現身，同一班隊員會面。喺現場同變形金剛角色打卡並上傳到社交平台，即有機會獲得限量驚喜小禮品，一眾影迷唔可以錯過喇。另外，現場亦設有變形金剛彩繪活動，為各位隊員繪畫代表唔同派別嘅標誌。

店內亦設有香港官方變形金剛商品零售專賣店，獨家發售多款變形金剛模型、服飾同精品。無論你係變形金剛嘅粉絲或者收藏家，都可以喺呢度搵到獨特嘅收藏品。

「柯柏文」和「大黃蜂」見面會
日期：2024年5月11日、5月15日、5月18日
地點及時間：銅鑼灣旗艦店|13:00-13:25，將軍澳店|15:00-15:25

變形金剛彩繪活動
日期：2024年5月12日、5月19日
地點及時間：銅鑼灣旗艦店|13:00-15:00

| 分享此文