豐盛社企學會虎年送暖 推出義購送福袋慈善企劃

長輩喺農曆新年派利是，都係想將祝福同好運送畀晚輩，豐盛社企學會今年則聯同本地健康品牌「鴻福堂」，以及社企「縫補寶康健服裝」，推出「虎年送暖 ‧ 義購加碼送福袋」慈善企劃，邀請大家將部分收到嘅祝福，以簡單嘅消費，由社企代你轉贈新年禮物畀弱勢社群，一齊過個幸福滿載嘅新春佳節。

「虎年送暖 ‧ 義購加碼送福袋」

呢個慈善企劃，會捐贈康健服裝同新年福袋畀癌症病人或長期病患者，而為咗回饋支持義購嘅人士，除咗送上福袋外，社企產品購物平台TECM MALL重推出震撼購物優惠，畀大家選購各式各樣社企賀年產品。

由1月15日至2月28日，大家只要喺豐盛社企學會籌辦嘅社企產品購物平台TECM MALL，義購康健服裝轉贈予有需要人士，鴻福堂會送你賀年福袋1份*（內含自家湯2包、健康飲品2支），而受惠者亦會得到同樣嘅賀年福袋，為弱勢社群送上貼心又窩心嘅新年禮物！

「縫補寶」嘅康健服著重外觀同舒適度，要照顧使用者需要，容易穿著以提升使用者嘅自理能力，為佢哋建立更多自信同尊嚴，亦減輕照顧者嘅負擔。

康健服裝購買連結：「以消費傳遞愛 Buy to Donate」
*福袋數量有限，先到先得，送完即止。

TECM MALL 限定：精選社企賀年產品

除咗「Buy to Donate」，TECM MALL更推出新年購物優惠，方便大家辦年貨同時支持社企。嚟緊星期三有限時優惠，詳情可以瀏覽TECM MALL網站。