【香港味道】一次過食晒80、90年代香港手工菜

足有45年歷史嘅翠亨邨，一直以嚟煮出多款經典粵菜，可以話係見證住唔同世代嘅食客。最近特別精選咗8款古早粵菜，用更出色嘅方法烹調古早菜，保留風味之餘又更好食，好啱一家人一齊食，回味香港過去嘅味道。

喺80年代，凡有請客喜宴都會食得精緻，當中就有貴價黑魚子百花釀開邊遼參，同象徵富裕嘅「無米粥」—山藥燕液鷓鴣粥，一試就試出大廚手藝。

除咗「請客食飯」嘅貴價菜式，仲有平民美食如傳統蜜餞金錢雞、古法鴛鴦蛋焗魚腸。

去到90年代，亦有「出街食飯」先食到嘅出色菜式，意思固然就係屬於手工菜，要有大廚手藝先煮到嘅紅燒皇子鴿、古祖吊燒琵琶雞、秘製醬油煎大海蝦同咕嚕金菠蘿等。

【最愛廣東菜系列】推廣餐牌，由即日起日至2020年9月30日於3間翠亨邨晚市供應。