Event Details

一蘭香港7週年　推紀念品「艷麵」超掛汁 一蘭香港店最近新推手信商品「艷麵」，紀念喺香港開業7週年。「艷麵」麵條金黃光澤，入口順滑彈牙並有濃郁小麥香。有「香薑特製辛味醬汁」同「柑橘風味甘露醬汁」兩款口味，係由專業師傅研發同多次微調，等大家食到麵條原本嘅美味。 「艷麵」包裝亦相當有心思，特別用寓意興盛繁榮嘅扇；同寓意福泰安康嘅波浪為設計理念，希望每位食「艷麵」都得到幸福。 「艷麵」會同一蘭拉麵經典手信「博多細麵直條麵」同「捲麵」一樣，全年喺一蘭香港銅鑼灣同尖沙咀店有售。 香薑特製辛味醬汁 特別混合多種辣椒增加辣度層次感，同時加入生薑令醬汁鮮味同甘辛風味並存，辣得嚟又易入口。 柑橘風味甘露醬汁 原料同釀造時間係一般醬油嘅兩倍，所以味道更濃厚甘醇。再加入柑橘同香橙韶調配，令口感醇厚且有果香，食落清爽。