吳建豪主理品牌xVESSEL　新推聯乘鞋款

2018年藝人吳建豪創立xVessel 以來，就引嚟唔少潮人留意，球鞋作品 xVESSEL G.O.P. Lows 嘅厚底設計、抽鬚設計型格得嚟非常百搭。今年再下一城，全因G.O.P 鞋款獲山本耀司 (Yohji Yamamoto) 青睞，於SS20 推出聯乘鞋款。

今次G.O.P 鞋款用上仿舊鞋面增加玩味，割開鞋邊又重新縫接，並巧妙地將鞋中間部分利用堆疊同對比間條創造出視覺迷幻。而且依照過往品牌鍾情小細節風格，設計師喺鞋側露出軟木鞋底，完美融合玩味、街頭風同悠閒感覺。

xVessel四鞋款 (HK$1,890) 各有黑白色供選擇，並於 8月14日在JOYCE NOW發售。