2023情人節禮物推介！香水/美妝產品/潮流精品

就快到情人節喇，重苦惱緊買咩好嘅朋友，不妨睇睇以下開飯仔推介攞靈感，即使準備咗都可以加碼，讓愛侶拆禮物時更加驚喜～

Atelier Cologne ｜限量版「金光」香水

今個情人節，Atelier Cologne情人節推出限量版「Orange Sanguine赤霞橘光」香水；設計以黃金伊甸園為靈感，當中融入西西里島血橙嘅柑橘元素、怡神又有陣陣幽香嘅中國天竺葵以及澳洲檀香，又有玫瑰氣息，滿載愛同熱情嘅芳香。

YSL ｜全新玫瑰色調唇膏、經典LIBRE香水

想低調送玫瑰？不如試下YSL全新推出嘅玫瑰色調經典唇膏系列「Rouge Volupté Shine迷魅亮彩唇膏」，有煙燻玫瑰、玫瑰冰茶同玫瑰芭菲3隻色，可以保濕長達8小時㗎。另外LIBRE香水瓶身刻有「I Love You」，送禮好似示愛咁，令呢份禮物更加窩心呀！

NARS ｜Orgasm系列法式粉紅包裝

NARS今個月推出新一代、感覺耳目一新嘅法式粉紅包裝設計限量版Orgasm系列，九色眼影盤、四色胭脂組合、多功能彩妝膏等產品，包裝均換上標誌性、細緻金色珠光蜜桃粉紅色調，任何年齡嘅女士拎上手，即時充滿少女感呀。

Leonor Greyl ｜高質護髮用品

法國高質護髮品牌Leonor Greyl，兩款護髮產品極致呵護女生秀髮，一款係蘊含天然成分嘅蜂蜜洗髮露，可締結豐盈動人效果；另外皇牌精華護髮油有效解開纏結嘅頭髮，令髮絲回復亮澤，強韌有彈性，咁輕輕撥起髮絲時更加倍添魅力啦。

Medicom Toy｜BE@RBRICK LOVE RAT 100% & 400%

如果想佈置愛巢，加添特別擺設，不妒考慮Medicom Toy嘅BE@RBRICK LOVE RAT 100% & 400%，一對兩隻，印上可愛小老鼠攞起畫筆繪畫心心圖案，甜蜜滿瀉。