【2025聖誕節】各區商場燈飾/打卡熱點大檢閱 (持續更新)

聖誕節進入倒數階段喇，各區商場同地標都相繼換上夢幻氣氛嘅聖誕裝置，甚至推出特別活動，等大家過一個歡樂佳節，為今年劃上完美句號！即睇開飯仔搜羅嘅燈飾/打卡熱點推介，安排嚟緊週末同假期行程啦～

 

目錄

► 【港島聖誕燈飾/打卡熱點】 ► 【九龍聖誕燈飾/打卡熱點】 ► 【新界聖誕燈飾/打卡熱點】

 

【港島聖誕燈飾/打卡熱點】

中環：「香港繽紛冬日巡禮」/「光影匯・中環」視聽匯演 / 聖誕小木屋市集

香港旅遊發展局年度盛事「香港繽紛冬日巡禮」，首次聯同置地公司合作呈獻「冬日小鎮・中環」，當中為期逾一個月嘅焦點節目「光影匯・中環」更破天荒邀請八幢中環地標建築合作，打造沉浸式3D投影創意視聽匯演，令中環夜空綻放繽紛光影之外，團隊更特別為9首經典樂曲重新編曲，帶大家投入多元夢幻國度！

另外仲有閃爍浪漫星光嘅遮打道「星光長廊」、置地廣塲中庭呈獻歷年最大型聖誕互動裝置「Noëlia at LANDMARK」，再加上中環皇后像廣場花園20米高巨型戶外聖誕樹，節日氣氛好濃厚～同場「聖誕天地」更設有聖誕市集，12間夢幻小木屋由Great Corner、甜筒暉、Wine Punch、Explicit Spices、A Simple Thought、革屋、香港文華東方酒店及Penchel.hk等人氣品牌主持，以節日主題美食、手工藝品同應節精品帶嚟一場奇幻冬日之旅。

聖誕天地
日期：即日起至2026年1月4日
時間：即日起至2025年12月21日，星期一至五：16:00-23:30；星期六及星期日：11:00-23:30 (2025年12月 24及25日延長開放時間，由11:00-01:00，當晚或因現場實施人流管制措施令公眾未能進入)
地點：中環皇后像廣場花園

聖誕市集 (聖誕小屋及工作坊)
日期：即日起至2026年1月4日
時間：星期四至五：16:00-20:00；星期六、日及公眾假期：12:00-22:00 (2025年12月 24及25日延長開放時間，由11:00-01:00)
地點：中環皇后像廣場花園

星光長廊
日期：即日起至2026年1月
地點：置地廣塲中庭及中環遮打道一帶

光影匯·中環
日期：即日起至2026年1月4日
時間：19:30-22:30，每30分鐘循環演出
地點：中環皇后像廣場花園

 

ifc：潛入隱祕「聖誕後勤總部」

聖誕老人放完悠長假期，召集小精靈、馴鹿同天使嚟ifc商場向各位發出神秘任務密函喇！今年大家可以聖誕精靈特務身分於潛入雙層高「聖誕後勤總部」裝置，近距離窺探團隊如何在短時間內重整旗鼓，了解各大角色的工作秘辛，揭開聖誕幕後神秘嘅準備工作。呢座總部隱藏四大神秘互動體驗區以及六大打卡場景，包括「聖誕裁縫屋」、「馴鹿健身室」、「天使錄音室」等等。特務們解鎖各個互動裝置、數碼遊戲任務之餘，仲可以參與慈善捐款活動、約見聖誕老人並獲得驚喜禮物，完成任務後更可欣賞精彩音樂表演，盡享聖誕購物禮遇。

香港ifc商場「聖誕後勤總部」
日期：2025年11月21日至2026年1月1日
時間：10:30-22:00
地點：香港ifc商場一樓中庭

 

赤柱廣場：「夠薑過聖誕」/ 海濱聖誕市集

「薑」唔只有驅寒保暖養生功效，亦會用嚟製作聖誕節傳統食品同裝飾，所以赤柱廣場以「薑」為題準備第10年舉辦嘅聖誕盛典「夠薑過聖誕」～活動由12月19日起一連10日，設過百個人氣攤檔，集結文創產品、手工藝品同聖誕主題特色美食，例如芝士Fans最愛嘅Hugo’s Cheese、正宗德國菜餐廳Biergarten、本地Gelato品牌The Nutter等都再次登陸赤柱；而首次參加嘅米芝蓮必比登推介魚事者、以本地特色口味聞名嘅上水爆谷以及咖喱專門店Curry Boy都帶嚟特色美食。行到咁上下，飲住本土精釀啤酒H.K. Lovecraft、地道港式Gin 酒「白蘭樹下」各種酒類飲品、特調薑味雞尾酒，再搭配薑汁撞奶味Gelato、姜餅人派對冬甩、薑味熟成牛油咖喱、陳皮檸檬薑茶，過個「夠薑」嘅佳節啦～想打卡影靚相可以去埋「薑藝廊」，係聯乘多位新銳藝術家創作㗎。

赤柱廣場「夠薑過聖誕」
日期：2025年12月19日至28日
時間：12:00-20:00
地點：赤柱廣場天幕廣場、公共空間及美利樓

保護遺棄動物協會慈善義賣攤
日期：2025年12月19日至28日
時間：12:00-20:00
地點：赤柱廣場4樓寵物區

 

時代廣場：最佳拍檔打造「Zootopia 2: Zoo-tastic Celebration」

迪士尼超人氣動畫《優獸大都會2》唔只喺大銀幕回歸，仲空降時代廣場，帶全港粉絲走入「優獸市」！融合聖誕元素嘅「Zootopia 2: Zoo-tastic Celebration」重現電影場景，再配合閃亮燈飾以及4.8米高聖誕樹，打造有N個打卡位。另外阿力Nick同朱迪Judy聯同一班新舊朋友以1:1 人偶造型設計現身，玩埋彩繪體驗、頭飾工作坊、解謎任務、寄出蓋上紀念印章明信片等多個互動體驗，行街都好似去咗主題樂園玩一樣咁開心～

Disney’s “Zootopia 2: Zoo-tastic Celebration” @ Times Square
日期︰即日起至2026年1月4日
時間︰10:00-22:00
地點︰銅鑼灣時代廣場露天廣場及2樓中庭

 

【九龍聖誕燈飾/打卡熱點】

西九文化區：冬日IP角色慶典「Merry Balloon Park」巨型夢幻充氣樂園

彩色打卡熱點！多個人氣IP角色互動打卡點、7米高聖誕許願樹、40米巨型跳彈區、「反轉波波池」同埋7米高充氣滑梯，今個冬天全部聚集喺西九文化區～除咗同M&M’S、LuLu the Piggy、熊貓孖寶等可愛IP影靚相，樂園仲特設親子日場以及狂熱派對夜場，幾時嚟玩都有唔同體驗。留意「幼童專場」為高度120cm或以下小朋友及其家長而設，大家可以安心享受快樂嘅親子躍動時光。

「Merry Balloon Park」巨型夢幻充氣樂園
日期：即日起至2026年1月4日
時間：09:30-22:40
地址：西九文化區藝術公園大草坪
門票簡介：
1) 90分鐘通行證 (可無限次進出「互動打卡區」及於指定40分鐘時段進入「巨型跳彈區」)：一般日子HK$168/90分鐘；特別日子HK$198/90分鐘
2) 「幼童專場」套票優惠 (只限120厘米或以下幼童及其照顧者入場) ：一般日子HK$299/90分鐘；特別日子HK$355/90分鐘

 

又一城：萌趣「BABY MIRROR GO ROUND」+獨家精品

首個由本地人氣男團MIRROR嘅可愛卡通角色「BABY MIRROR」同SANRIO CHARACTERS首次聯乘，以SANRIO CHARACTERS MEET BABY MIRROR – 「BABY MIRROR GO ROUND」主題空降又一城，打造繽紛夢幻感裝置，帶嚟閃耀聖誕嘉年華！場內除咗有9米高旋轉木馬、2.6米高聖誕水晶球、綿花糖車、8米長夢幻互動體驗隧道等多個亮點打卡裝置外，換上Sanrio角色服飾嘅BABY MIRROR成員亦都會同大家見面～仲有同步開幕嘅期間限定Pop-up Store，獨家發售全新SANRIO CHARACTERS MEET BABY MIRROR聯乘商品以及Sanrio聖誕精品，而又一城亦為My FESTIVAL會員特設獨家限量版精品換領禮遇。

SANRIO CHARACTERS MEET BABY MIRROR – BABY MIRROR GO ROUND @ Festival Walk
日期：2025年11月25日至2026年1月1日
時間：11:00-21:00
地址：又一城LG2

禮品換領詳情
日期：2025年11月25日至2026年1月1日
時間：11:00-22:00
地點：又一城LG2層顧客服務處

 

朗豪坊：“Langham Place Noodoll: Merry PotatoMAS” 聖誕盛典 / 朗豪坊 x 珍珍薯片「咔嚓」挑戰

旺角潮流文化地標朗豪坊，年尾壓軸節日主題特別請嚟英國爆紅品牌Noodoll首度登陸香港，更結合Noodoll深受大家鍾意嘅薯仔家族Ricespud，聯手打造節日儀式感滿滿期間限定「薯誕百貨」同聖誕盛事 “Langham Place Noodoll: Merry PotatoMAS”！憑標誌性Ricespud薯仔角色以圓潤身型、短小四肢、三撮頭毛、雀斑同抿嘴表情，令人一見傾心～場內12隻造型獨特嘅毛毛薯仔將現身精緻奢華打卡場景，而朗豪坊20周年限定版Noodoll薯寶湯、精美禮品更首度喺「薯誕百貨禮品部」獨家推出，Fans們一於帶佢哋返屋企齊齊過聖誕啦！

朗豪坊 x 珍珍薯片：「咔嚓」脆薯電梯
日期：即日起至2026年1月1日
時間：12:30-22:30
參加辦法：只需追蹤朗豪坊及珍珍薯片社交平台，即可獲得珍珍薯片一包。
玩法： 在脆薯電梯內對準收音咪進食珍珍薯片，分貝裝置會量度顧客食薯片的聲浪，同時生成專屬 ASMR 短片於社交媒體上分享。

“Langham Place Noodoll: Merry PotatoMAS” 
日期：即日起至2026年1月1日
時間：10:30-22:30
地點： 朗豪坊4樓通天廣場

 

海港城：「A Disney Christmas」 x「Magical Christmas @ 海港城」

海港城聯同夢幻Feel滿分嘅香港迪士尼樂園度假區(香港迪士尼)，帶嚟樂園外喺香港最大規模嘅聖誕活動「Magical Christmas @海港城」，加埋香港迪士尼20周年奇妙派對以及「A Disney Christmas」，將維多利亞港海旁嘅聖誕歡樂氣氛推高。商場內更打造5大主題打卡位，當中更包括「Magical Christmas快閃店」、9米高「奇妙聖誕樹」等等，而「迪士尼好友巡遊派對」主題裝置就有米奇老鼠、米妮老鼠、唐老鴨、黛絲、高飛、鋼牙奇奇同埋大鼻帝帝同大家見面；唔少得嘅冰雪世界非「魔雪奇緣世界」主題裝置莫屬！今個聖誕同你心愛嘅迪士尼好友見面啦～

「Magical Christmas @ 海港城」
日期：即日起至2026 年1月4日
地點：海運大廈露天廣場、海運大廈展覽大堂、海運大廈地下中庭

「奇妙聖誕樹」
地點：海運大廈露天廣場
開放時間：10:00-22:00

「迪士尼好友巡遊派對」主題裝置
地點：海運大廈露天廣場
開放時間：10:00-22:00

「魔雪奇緣世界」主題裝置
地點：海運大廈正門大樓梯
開放時間：10:00-22:00

「Duffy與好友聖誕小屋」活動區
地點：海運大廈地下中庭
開放時間：12:00-20:00

「Magical Christmas快閃店」
地點：海運大廈展覽大堂
開放時間：11:00-21:00

 

【新界聖誕燈飾/打卡熱點】

沙田新城市廣場：「聖誕奇幻馬戲團嘉年華」打卡位 / 「星夜願語．光影匯演」登場

新城市廣場全面優化後，特別聯乘風靡全球嘅日本知名光雕藝術團隊NAKED Inc.，喺目前全港商場坐擁最大戶外水幕打造期間限定光影匯演，以「星夜願語．光影匯演」打頭炮，帶嚟融合水幕、光影、藝術同音樂嘅聖誕夢幻感官饗宴；加埋投影互動技藝光影魔法，「繁花水晶球」同「浮花，幻境」裝置，夢幻感十足～

另外「聖誕奇幻馬戲團嘉年華Christmas Circus TOWNival」，以馬戲團主題打造4大打卡遊樂設施，例如全港首個室內6米高「聖誕樹旋轉滑梯」、「星光童話旋轉木馬」；廣場東翼仲有聖誕冬日市集，匯聚十多個本地人氣創意品牌，大人小朋友都啱玩！

【NTP Sky Garden】
日期：由即日起
時間：10:00-22:00
地點：新城市廣場1期7樓【NTP Sky Garden】

【NTP Sky Garden】「星夜願語．光影匯演」
日期：由即日起至2026年1月1日
時間：18:30-22:00
地點：新城市廣場1期7樓【NTP Sky Garden】

「聖誕奇幻馬戲團嘉年華Christmas Circus TOWNival」
日期：由即日起至2026年1月1日
時間：10:00-22:00
地點：新城市廣場1期3樓中庭

新城市廣場「聖誕手作市集」
日期：2025年11月21日至2026年1月1日
時間：11:00-21:00
地點：新城市廣場1期1樓東翼

 

荃灣廣場：「夢幻冰雪樂園」/ 大型戶外光影飄雪溜冰場 / 兒童雪地碰碰車

想走入浪漫迷人嘅冰雪國度，嚟荃灣廣場冬日限定「夢幻冰雪樂園」啦，有戶外飄雪溜冰場同一眾萌爆聖誕精靈陪你玩！全港商場首個「兒童雪地碰碰車」，讓小車手們喺環保仿冰賽道上感受漂滑體驗；而1,500 呎戶外光影飄雪溜冰場都好啱親子同樂、約會或同朋友狂歡。仲有3大冬日打卡盛會，無論5米高白雪唯美聖誕樹、聖誕小精靈兵團，抑或20米聖誕光影魔鏡牆都帶你沉醉喺冬日奇幻夢境之中！

仲有全城最萌創業初體驗！孩子們將一連三星期化身「Little Boss」，喺「兒童聖誕市集」親手打造專屬小攤位，邊玩邊學習，過一個難忘聖誕節。

【夢幻冰雪樂園】
日期：即日起至2026年1月1日
時間：10:30-22:00
地點：L5 PLAY GARDEN空中樂園

兒童雪地碰碰車
日期：即日起至2026年1月1日
時間：2025年11月18日至12月18日：逢星期一至五：16:00-20:00；逢星期六、日及公眾假期：12:00-16:00｜2025年12月19日至2026年1月1日：12:00-16:00
地點：L5 PLAY GARDEN空中樂園
對象：適合7–12歲及高度110–160 cm之小童參加
參加方法：The Point會員憑100積分及即日於「指定即賺分零售商戶」以電子貨幣消費滿HK$200。入場證將於指定日子於The Point App上架，請留意荃灣廣場官方公佈
換領名額：每節10分鐘，每部電動車只可供1名小童使用

戶外光影飄雪溜冰體驗
日期：2025年11月22日至2026年1月1日
時間：2025年11月22日至12月18日：逢星期六、日及公眾假期：16:15-20:00｜2025年12月19日至2026年1月1日：逢星期一至日及公眾假期：16:15-20:00 *飄雪體驗 (每節約5分鐘)
地點：L5 PLAY GARDEN空中樂園
對象：適合4歲或以上及身高110cm或以上之人士參與 (4至12歲人士須由家長陪同下方可參與)
參加方法：The Point 會員憑100積分及即日於「全場即賺分商戶」商戶以電子貨幣消費滿HK$200。入場證將於指定日子於The Point App上架，請留意荃灣廣場官方公佈
換領名額：每節20分鐘雙人自助溜冰體驗