【中秋漫遊2017】精選節目出巡

臨近中秋除咗食月餅賞吓，都會諗吓節目同buddy hea 遊一吓。今次小編為大家hotpick了以下數個節日主題活動，畀大家可以bookmark 定，行過順便打下卡咁話！

文、部份圖片：Jamie

7米的巨型月亮裝置：首次登陸亞洲
中秋會賞月，而地球上都有不少「月亮」可以畀大家正面直擊！由9月28日至10月31日，灣仔的「利東街」帶來了英國藝術家Luke Jerram的「月球博物館」，一個直徑7米的巨型月亮裝置掛於廣場的正中央半空，場面非常震撼，可以說是打卡控的No.1必去景點。

事實上，裝置較前已經在荷蘭、英國、法國、愛爾蘭及比利時等地巡迴展覽。今次就首次抵達亞洲。月亮製作精緻仔細，將美國太空總署NASA航拍月球陸地的真實景觀，好似真一樣咁呈現於大眾眼前。無論邊個角度，都可以近距離同「月亮」打卡。除了打卡這個指定動作，在10月4日及10月5日晚上（即中秋及追月夜兩晚）會舉行「LED火龍鼓舞賀中秋」和「大中華非物質文化遺產傳藝會」，後者邀請到中國傳統手作專家舉行工作坊，鐘意懷舊手工藝的朋友，一定要bookmark定啦！

Info
“Museum of the Moon” 「月球博物館」
日期：即日起至10月31日*（ *展期或會因天氣安排而作出適當調整）
地點：利東街中庭
活動可瀏覽: http://www.leetungavenue.com.hk/tc/index/

「秋日文化祭2017」：2 米巨型月亮到著
另一個「月球」登陸在D2 Place，由商場聯乘麥田捕手，舉辧為期九日的大型文化祭市集。場內集合多個大型裝置，主打日本文化特色。當中，在D2 Place 一期天台花園設有一個2 米高的巨型月亮，月亮兩側放有400 尺大的水燈許願池及木製拱橋。同場仲有個秋祭小食街。除咗賞月美食，更不少得一眾手作達人出來獻技，在D2 Place一期及D2 Place二期中，超過 100 個特色手作攤檔同時出現；而D2 Place二期有個得意的「小童浴衣租用區」，租借服務為HK$40/1 小時，小朋友可以穿上可愛和服拍照，配合手作攤位中售賣的日式手作頭飾，齊齊扮吓靚。

Info
活動日期：9月30日起至10月8日 （免費入場）
時間：中午12時至晚上9時
地點：D2 Place (港鐵荔枝角站 D2 出口)
商場Facebook: D2Place

全新角度觀星追月：360度星空流星雨
同月亮打完卡，換個角度去星空漫遊一下。在觀塘的apm有個佔地3000呎的「apm星際光影之旅」，今次就以超現實的星際作為創作靈感，配合錯視藝術以及360度全方位光影技術，穿梭3 大星際主題區。先進入「透視時光隧道」，隧道由透視的彩色布料及布條拼合而成，配合七彩的燈光效果，神秘又奇幻。接著隨即通往「奇幻移動牆」，運用眼球錯覺的原理，看到貌似不斷移動的隧道，在轉動的牆身圖案下體驗如置身星際的異次空間。

通過異次空間後，便會到達5米高的「巨型閃閃星際」。我們可以在這裡短暫停留5分鐘，在360度全方位的彩光投影技術之下，你會看到七彩光影及流星雨的特技效果，配埋音樂，都幾啱Selfie同打卡。影完靚相之後，又可以透過裝置旁的「微信相片打印站」，即場打印靚相作為留念。

Info
「apm星際光影之旅」
日期：即日起至10月10日
時間：中午12時至晚上9時30分
地點：apm大堂
商場Facebook : apmHongKong

「經典冰室舊物珍藏展」：港式冰室「出巡」
遊完月光再來個香港地道的，不妨去下「經典冰室舊物珍藏展」。場內以「冰室」為主題，邀得本地收藏家歐陽偉航聯同研究冰室文化的【奶茶通俗學】作者崔氏兄弟，將商場中庭打造成傳統冰室的格局；正門貼有傳統冰室美食的插圖，各入口更有仿效舊式冰室面貌，把經典美食名稱張貼在玻璃門上，可以同多個仿茶記道具一齊打卡。

最重要的是，場內展出超過200自60年代起的懷舊冰室珍藏展品，加上生動有趣的插圖及漫畫穿插其中，除咗打卡，仲可以學習了解冰室飲食的通俗文化，看一看茶冰廳的有趣點滴。有時間的話，仲可以參加中秋節目活動，包括「佳節歡騰禮賞」、「港式奶茶沖泡示範及試飲」及「冰室燈謎會」等。

Info
「經典冰室舊物珍藏展」
日期： 即日起至10月8日
地點： 始創中心地面大堂
Facebook: pioneercentre.fanpage

「花火戀秋祭」：一嚐日式的「花火」節拍
來個浪漫點，在YOHO MALL有個「花火戀秋祭」，將商場搖身一變成為花火大會。場內中央有個高達4米的巨型東瀛節慶燈塔，旁邊有一排排高掛燈籠，更延伸到兩旁的日式設計小攤檔，好搶眼！

由內而外，戶外的白鷺花園就有一個日式閃爍花火佈置及風鈴陣，旁邊的風願亭掛上過百個精緻風鈴及甜蜜絮語紙條。周末就安排特色攤位遊戲及工作坊，有得睇有得玩，活動細則大家記得留意一下啦。

Info
《YOHO MALL花火戀秋祭》
日期：即日起至10月22日
時間：上午11時至晚上10時
地點：YOHO MALL I一樓主廣場、一樓中庭、YOHO MALL II中庭及白鷺花園
Facebook: yohomallhk

限定中秋荷花彩燈池：古典竹園荷花池
最後一個推介，來個經典少少的，有大埔超級城以竹園荷花池為主軸的應節場景，在金魚及天鵝造型的花燈之間，掛滿迷你花燈的竹林庭園，荷花池旁還有一棵五光十色的許願樹，幾樣東西來個mix & match，又是另一個打卡spot。

睇完仿造的荷花池，仲有個限定《DIY創意數碼花燈》和《國慶月餅暖中秋》份量級月餅王活動。《DIY創意數碼花燈》需要大家作指定消費和動作，就可以在特製的電子螢幕上發揮創意，利用投影技術為自己設計彩燈；同場都設有《秋夕月滿市集》，搜羅了人氣應節美食和精選禮品。

Info
地點：大埔超級城C區美食坊
日期：即日起至10月8日
時間：中午12時至晚上9時
活動詳情，可瀏覽Facebook: taipomegamall.fans