Caudalie葡萄籽全效抗氧防曬新品 「海洋友善」+5重過濾防護

Caudalie秉承 4大真「淨」無害承諾：天然無害配方並無內分泌激素、無致敏成分、無動物原料和無不可分解成分，喺今個月推出全新升級版葡萄籽全效輕透抗氧防曬乳SPF50+（Vinosun Ocean Protect Very High Protection Lightweight Cream SPF50+）。呢款防曬乳蘊含強效抗氧化物葡萄籽多酚、雲杉萃取同維他命E，具備光穩定性同熱力穩定性能；親膚低敏、輕盈透薄、唔會泛白嘅天然純素防曬乳液，可以啟動肌膚自我抗氧防禦機制。而5重過濾防護，可以抵抗UVA/UVB、抗藍光、抗皺、抗氧及抗污染，多方位預防因光害同污染令細胞受損而引致嘅皺紋、色斑同衰老徵兆。

另外，更加入獨家抗氧防禦專利成分嘅「海洋友善」防曬濾光系統，可以生物降解之餘，所有防曬成分都唔會危害珊瑚同海洋生態，更不含爭議性防曬成分同有害化學物：二苯甲酮Oxybenzone、甲氧基肉桂酸辛酯Octinoxate、水溶性防曬劑、納米粒子Nano particles、矽、香料、礦物油、Paraben、酒精等。

（適合敏感肌膚及12歲以上兒童使用。當進行户外活動時，建議每2小時
補擦一次。）

Vinosun 葡萄籽全效抗氧防曬系列其他產品