Chill Guy．Chill Walk期間限定店登陸九龍塘！3米高Chill Guy+主題限定自拍館

今個4月，又一城將為大家帶嚟史上最Chill嘅復活節假期，由美國藝術家Phillip Bankss創作嘅全球爆紅Memes角色「Chill Guy」將於4月11日至5月5日期間，喺香港又一城舉辦全球首個官方活動「Chill Guy . Chill Walk期間限定店」。場內除咗設有3米高巨型「Chill Guy」畀大家打卡影相外，仲有獨家港式Memes打卡位同期間限定店，即睇活動詳情啦！

「Chill Guy」Memes全球瘋傳 招牌微笑看破紅塵生活態度

「Chill Guy」由美國數碼藝術家Phillip Bankss創作，身穿標誌性嘅灰色毛衣、藍色牛仔褲同紅色波鞋；總係雙手插袋，面帶微笑，展現出淡定嘅態度，風格完美詮釋咗新一代Gen Z嘅生活方式，迅速喺網絡世界引發熱議同二次創作，成為全球爆紅嘅人氣Memes。

3米高巨型「Chill Guy」+獨家港式打卡位+期間限定店

全球首個Chill Guy官方活動當中最吸睛一定係呢個坐落中庭位置、3米高嘅巨型「Chill Guy」，現場另有多個Memes打卡牆結合獨家港式元素設計，包括「淡定」小巴牌、「Chill迫巴士」打卡牆等，將香港網絡文化同Chill Guy嘅幽默風格完美融合，睇完令人會心一笑！

打完卡仲可以買走一系列精品，限定店將販售超過100款官方授權主題商品，包括潮玩公仔、T恤、棒球帽、即棄菲林相機、啤牌、旅遊產品、生活周邊用品同埋其他精品，實用得嚟又充滿玩味感，滿足一眾新世代網民嘅口味啊～仲有仲有！位於又一城LG2層嘅DITTO.SNAP自拍館亦會換上全港獨家「Chill Guy」主題，大家可以一齊拍照留念，創造專屬Memes圖。

Chill Guy . Chill Walk期間限定店
日期：2025年4月11日至5月5日
時間：11am – 9pm
地址：又一城LG2層