Crabtree & Evelyn春日美肌方案+優惠 全方位去除角質兼滋養肌膚

春天將至，喺乍暖還寒嘅天氣下，肌膚狀態容易變得不穩定，需要加倍細心呵護，畀肌膚同自己一點自我寵護嘅me-time。Crabtree & Evelyn特別呈獻春日修護方案，先以Crabtree系列去除角質，喚醒新肌；再用帶草本香氣嘅The Gardeners系列滋養肌膚，療癒身心！

煥膚清潔產品 – Crabtree系列

Crabtree系列主打煥膚清潔產品，用天然蘋果提取物作主要成分，從面部、唇部、雙手到身體帶來全方位修護。加上獨特嘅中性氣息，散發清新蘋果木清香，男女適用。

唇部：Buff+Smooth Lip Exfoliator 磨砂+柔膚唇部磨砂膏（圖左）
戴口罩容易令人少咗飲水，唇部更易變得乾燥脫皮。Crabtree磨砂+柔膚唇部磨砂膏具有保濕同去角質功效，而固體唇膏質地蘊含細緻輕柔嘅磨砂顆粒，簡單易用。

面部：Brighten+Hydrate Exfoliating Tonic 提亮+保濕去角質爽膚水（圖右)
角質爽膚水注入大量有效護膚成分，輕輕塗抹令肌膚變得幼滑、膚色均勻透亮。當中嘅AHAs同BHAs能去除肌膚表面角質，暢通毛孔；而蘋果水為肌膚補充水分，加上甘草根嘅起紓緩作用，令肌膚倍添舒適。

雙手：Buff+Polish Hand Wash 磨砂 +光滑洗手液（圖左）
竹莖粉同蘋果纖維為雙手去除角質，而甘油同維他命E能滋潤細嫩嘅肌膚，清潔時亦唔會帶走天然水分，用後雙手持續感覺柔嫩舒適。

身體：Buff+Invigorate Body Bar 磨砂 +修復潔膚皂（圖右）
呢個潔膚皂同時具備清潔同除角質兩種功效，加快日間護膚程序。入面蘊含具磨砂作用嘅竹莖、蘋果纖維同具修護功效嘅黑加侖籽油，加速修護肌膚，令日常護膚步驟變得更輕鬆簡單。

季養膚提案 – The Gardeners系列

去除老化角質後，要有充足嘅滋養呵護肌膚。經典嘅The Gardeners系列之中，以下3款產品適合春季使用，從卸妝、保護到密集修護，為肌膚提供深層滋養，同時沉浸於清新宜人嘅大自然芳香。

潔淨：Cultivated Cleansing Oil 滋養潔膚油（圖右）
滋養潔膚油能有效溫和除去雜質同卸妝，令肌膚變得清爽乾淨。配方糅合多款具修護功效嘅種籽油，以及含豐富脂肪酸嘅奇亞籽油，以預防肌膚乾燥。加上配合抗氧化嘅辣木籽油同紓緩淨化嘅苦楝油，令你由護膚第一步起修護肌膚。

保護：Mixed Berry Oil Booster 雜苺精華油（圖左上）
注入含豐富維他命C同抗氧化物嘅卡卡杜李果油、巴西莓果油、卡姆果萃取物同枸杞，以抵禦日間肌膚損傷，減少色素沉著。單獨使用有深層補水、亮澤肌膚之效；而混合精華或面霜，能提升滋養度，加強呵護肌膚；另外亦可配合The Gardeners莓果盛宴面膜使用。

滋養： Nectar Essence 花蜜再生精華（圖中間）
集精華同爽膚水功能於一身，入面嘅楓糖萃取物能溫和去除角質，而白樺樹汁具淨化功效，龍舌蘭則令肌膚變得水潤亮澤，幫助平衡肌膚水油比例，為肌膚注入健康好氣色。

3月禮遇

1） 3月期內凡消費滿：
• HK$588，即可獲贈滋養豐凝護手霜 – 15ml乙支，以及Crabtree柔膚+緊緻身體潤膚乳液 – 15ml乙支。
• HK$688，即可獲贈Gardeners洗手液 – 250ml乙支。
• HK$888檸檬及香菜護手霜 – 25 ml乙支、The Gardeners花蜜再生精華試用裝乙支、Bali火山泥潔膚面膜試用裝乙支，以及Bali 香茅保濕爽膚水試用裝乙支。

2） 3月期內，凡購買The Gardeners同Crabtree系列產品（包括禮盒套裝）3件，即享 85折。

3） 由3月18日至20日：免運費週末。

4） 減價優惠：多款精選產品低至6折。