iSQUARE 國際廣場！全港首個小胖子 Chubbi Chunk 聖誕主題裝置

聖誕有咩搞作好？不如去支持吓本地藝術家喇！今個聖誕，iSQUARE 國際廣場首次聯同香港著名玩具設計師及多媒體藝術家 Jim Dreams 合作，以可愛小胖子 Chubbi Chunk 為主題， 打造歐陸式聖誕小鎮場景，一齊迎接普天同慶嘅聖誕節！

全港首個 Chubbi Chunk 雪國聖誕奇遇
性格活潑趣致嘅小胖子 Chubbi Chunk會以圓碌碌嘅身形及燦爛招牌笑臉化身聖誕老人，「胖」你感受異國風情！充滿歐陸風嘅雪國聖誕小鎮位於商場地下正門 iPIAZZA，掛滿一串串燈泡及聖誕佈置，而一眾小胖子 Chubbi Chunk 換上唔同顏色嘅聖誕老人裝束，好可愛！而打卡位就係呢個六米巨型聖誕風車塔，入面有一對小胖子 Chubbi Chunk坐上聖誕列車環繞風車塔，為途人送上祝福！而風車塔同時亦係展館，有唔少絕秘珍藏展品，包括首次於香港展出嘅多款 Jim Dreams 手繪真跡及限量發售嘅 Chubbi Chunk 玩具搪膠公仔，鍾意小胖子 Chubbi Chunk嘅朋友千萬不可錯過！

聖誕城熱氣球之旅
仲未夠喉，行上商場 3 樓 iFUNCTION，雪人胖子 Chubbi Chunk 會登上繽紛巨型熱氣球，喺華麗嘅聖誕裝飾同燈光襯托下，聖誕氣息更濃厚。另外可愛嘅紅鼻頭麋鹿胖子 Chubbi Chunk會 帶一大堆聖誕禮物企喺小鎮鐘樓前，向遊人傳遞聖誕喜悅。鬼馬嘅聖誕老人胖子 Chubbi Chunk 就會於巨型 X’mas 牌匾後興高采烈地同大家招手。而一對活潑好動嘅胖子 Chubbi Chunk 更躲藏於巨型禮物盒內，為遊人送上聖誕驚喜。

聖誕狂歡 Ho Ho Ho
最後嘅打卡點，就係位於大堂樓層 iEXHIBITION 嘅小鎮街頭，可愛又頑皮嘅聖誕老人胖子 Chubbi Chunk 為大家送上各式各樣聖誕禮品，仲有個充滿英倫風嘅音樂電話亭，等大家就算去唔到旅行社，都感受到異國嘅聖誕氣氛！

Chubbi Chunk 限量版多用途儲物箱換領
顧客於換領期內於 iSQUARE 國際廣場最多兩間不同商戶，以電子貨幣(信用卡/易辦事/八達通)同 日累積消費達港幣 600 元或以上+，即有機會換領「Chubbi Chunk 限量版多用途儲物箱」乙個。
換領期 : 2020 年 12 月 11 日至 12 月 27 日
換領時間 : 早上10時半至晚上10時半
換領地點 : 大堂樓層禮賓部

iSQUARE 國際廣場【Chubbi Chunk Christmas Downtown】
日期︰即日起至 2021 年 1 月 3 日
地點︰iSQUARE 國際廣場地下正門、3 樓 Ifunction及大堂樓層 iEXHIBITION
查詢︰3665 3333