iSQUARE聯乘日本插畫師　眾多機械聖誕老人一齊玩

終於等到聖誕，可以同各種萌爆聖誕裝置影相！尖沙咀iSQUARE 國際廣場今年聯乘日本著名插畫師Ryogo Toyoda 設計可愛機械聖誕老人，同大家一齊玩轉歡樂聖誕城，多個打卡位仲可以瘋狂自拍打卡，開心迎聖誕！

機械聖誕老人飛躍周年慶

喺 iSQUARE 商場地下已經見到超搶眼2.5米高機械聖誕老人啦！一眾可愛聖誕老人坐喺2米高華麗水晶球上，準備開展一場繽紛聖誕之旅。

每個聖誕老人都有唔同造型動作，坐最高處嘅聖誕老人就拎住金光閃閃幸運星；亦有駕駛著 飛機準備派禮物嘅聖誕老人，前方仲有可愛小鹿引領！大家可以一邊影相，一邊發掘各款聖誕角色，可能會有驚喜㗎！

仲有騎膊馬嘅機械聖誕老人企喺「10th Anniversary」牌隔鄰手舞足蹈，等大家同佢哋自拍喔！小朋友見到一定好開心。

聖誕一定要有閃亮亮元素，唔好錯過掛滿串串星燈嘅影相位，好有浪漫氣氛！

玩轉歡樂聖誕城

嚟iSQUARE 慶祝聖誕，就係可以由出面玩到入面！嚟到商場3樓iFUNCTION 華麗大舞台，一眾調皮聖誕老人已經準備好同遊人一齊載歌載舞喇。

坐喺舞台正中央，並戴著閃爍皇冠嘅聖誕老人最搶眼，仿佛要帶領大家走入10周年霓虹時光隧道，同大家回憶過去10年喺呢度嘅開心回憶。

時光隧道隔鄰就係趣怪顛倒屋，原來調皮聖誕老人就係喺度玩緊喇！屋內所有傢俱都畀佢哋用魔法反轉晒，大家可以趁機影無重力狀態嘅古怪相。

唔知你有無同感，汽球總係有種夢幻感覺。呢度嘅夢幻汽球室，就有聖誕老人拎著發光嘅七彩汽球，一齊投入奇妙世界。

貼心嘅聖誕老人，仲喺舞台前方拎著大大盒聖誕禮物慶祝10周年。隔鄰仲有踩著齒輪單車嘅聖誕老人，將快樂氣氛傳遞開去。

聖誕老人同慶賀

嚟到大堂樓層唔好走住呀，仲有iEXHIBITION 嘅聖誕老人興奮地捧著10周年蛋糕，等大家企喺巨型雪花齒輪裝置前合照，記錄彼此喺iSQUARE 嘅幸福回憶。

開心玩　平住買

睇完一系列打卡位，仲要留意埋iSQUARE 嘅「節慶狂歡購物賞」！喺換領期內，於iSQUARE國際廣場最多2間唔同商戶，以電子貨幣(信用卡/易辦事/八達通) 同日累積消費達HK$300或以上+，即有機會換領HK$25 iCOUPON 現金券乙張，可於iSQUARE國際廣場70多間指定商戶當現金用㗎！

換領期 : 2019年12月13日至2020年1月1日
換領時間 : 早上10:30至晚上10:30
換領地點 : 大堂樓層禮賓部

限定聖誕活動！

除咗機械聖誕老人同大家影相，iSQUARE 仲安排咗限定聖誕活動，記著Mark 定時間喔！

樂韻悠揚舞動聖誕

歌詠團歡頌聖誕報佳音，迎接普天同慶的大日子。
日期：2019年12月8日及12月14至26日
地點：3樓iFUNCTION
更多資料：http://www.isquare.hk/upload/Xmaslist.jpg

聖誕老人現身　陪你過聖誕

聖誕老人會於以下時間現身，同大家見面！於Facebook、Instagram 或 WeChat 關注iSQUARE，仲可以同聖誕老人合照留念！

日期：2019年12月14至15日、21至22日及25日
時間：下午3:00至下午4:00
地點：3樓iFUNCTION

+ 可於任何一間商戶完成一項消費交易或於任何兩間不同商戶同日各完成一項達HK$100或以上之消費交易，並於換領時出示有關之即日機印發票，連同相符之電子貨幣付款存根。
– 每人每日只限換領iCOUPON 現金券乙張。每日名額50張，先到先得，換完即止。有關iCOUPON 現金券之換領情況，以大堂樓層禮賓部為準，歡迎向禮賓部職員查詢。

圖片只供參考。

．上述推廣活動之條款及細則，請參閱場內宣傳品。
．以上內容如有更改或取消，恕不另行通知。
．如有任何爭議，iSQUARE國際廣場保留最終決定權。