紀念張國榮離開20週年 奧海城“Timeless Leslie Encounter”
為紀念一代巨星「哥哥」張國榮離開20週年，奧海城特意舉辦“Timeless Leslie Encounter” 活動，透過20個「相遇」故事一齊再會呢位永恆巨星張國榮。
3月23至4月2日期間去奧海城，就可一覽20個張國榮好友、工作伙伴、本地及海外歌影迷相遇故事。此外特定日子仲有活動㗎，即刻睇詳情啦～
·逢周末舉辦免費「導讀團」 翻閱絕版刊物及珍藏 逢周末大會設有免費「Timeless Leslie導讀團」，由資深「哥迷」同參加者一同細閱張國榮絕版刊物及珍藏，訴說一個又一個與哥哥有關嘅故事。
市民可透過20個與Leslie相遇的故事，多角度認識哥哥。 “Timeless Leslie”導讀團 ·設計師陳幼堅、前排舞師Chris出席分享會 3月31日下午3時，與張國榮亦師亦友嘅工作伙伴兼著名設計師陳幼堅、前排舞師Chris Choi、本地及海外資深歌影迷，將會到奧海城現場跟市民分享佢哋同張國榮合作及相遇故事。歌手曾比特亦會於現場演繹經典金曲。
同日晚上7:45，奧海城the sky戲院將會播映張國榮其中一部震撼話題作《色情男女》，哥哥於戲內飾演鬱鬱不得志嘅導演，迫於現實生活壓力之下而接拍三級片，當晚一眾影迷可以重溫呢部經典之作。購票詳情請留意嘉禾院線/the sky facebook專頁。
由著名設計師陳幼堅借出的「側面」唱片封套Contact Sheet (相辦) ·「與哥哥相遇」相片徵集活動 組成馬賽克相於超巨屏幕播放 奧海城以「與哥哥相遇」為主題，徵集由大眾遞交與張國榮相遇照片，包括與張國榮合照、張國榮唱片、電影/演唱會戲票、週邊紀念品等等，合共收集到3,000張相片，於現場430吋大屏幕上以馬賽克形式呈現，非常震撼。活動期間屏幕亦會播放20段哥哥經典作品片段，包括比賽、訪問、得獎片段及膾灸人口的MV，等大家可以喺大屏幕上重溫張國榮舞台魅力。
顧客可製作現場的實體巨型馬賽克張國榮相片。 留意多個打卡位！ 必到霓虹燈打卡牆 向經典作品致敬 現場有一幅以無限符號「∞」設計、象徵著永恆嘅張國榮經典作品霓虹燈打卡牆。載滿由世界各地歌影迷投票選出、最具代表性嘅哥哥作品，包括經典歌曲《風繼續吹》、《MONICA》、《追》、《為妳鍾情》等等；影視作品如《阿飛正傳》、《霸王別姬》、《英雄本色》等等，都係為人所認識嘅經典之作，一齊向經典作品致敬。
必到霓虹燈打卡牆 向經典作品致敬。 永恆舞台 與張國榮音樂再次相遇 商場中庭會放置一座自動演奏嘅三角鋼琴，活動期間鋼琴會演奏張國榮多首經典名曲，包括《追》、《風繼續吹》、《共同渡過》等等。
週末期間更安排多場鋼琴及音樂表演，等大家一齊感受哥哥作品魅力。同時歡迎大眾一同參與表演，以音樂向哥哥致敬，有興趣市民可以報名參加，詳情請留意Olympian City奧海城Facebook。
“Timeless Leslie Encounter”刺繡熨布貼換領 活動特製咗一套4款以張國榮經典作品為設計嘅刺繡燙布貼，當中包括象徴張國榮充滿自信嘅《I am what I am》、反映張國榮喜歡簡約嘅《無需要太多》、著名金曲《沉默是金》以及活動主題「Timeless Leslie」畀大家作留念。
由3月25日起，憑即日$800最多2間不同商戶之電子消費*；或以S+ REWARDS 20點數，即可換領一套4款刺繡燙布貼。 (數量有限，先到先得，換完即止)
“Timeless Leslie Encounter”刺繡熨布貼 珍藏展品包括「國榮盃」·珍貴禮品·相辦 20位好友、歌影迷分享與張國榮相遇故事 今次張國榮嘅好友、工作伙伴、本地、海外歌影迷將會分享佢哋同張國榮鮮為人知嘅相遇故事！眾所周知，張國榮好鍾意打麻雀，但大家又知唔知？原來佢曾同好友舉辨「Leslie Cup國榮盃」㗎～蘇施黃更奪得冠軍贏得此盃。2021年，蘇施黃就舉辦「國榮盃自我挑戰賽」，一位「哥迷」贏得此盃。奧海城活動中，將會首次展出由「哥迷」借出嘅「Leslie Cup國榮盃」獎盃，訴說哥哥對任何事都認真對待嘅態度。
另外，張國榮御用化妝師Eunice Wong亦分享哥哥喺《熱·情演唱會》中全身古銅造型背後嘅故事。原來哥哥為咗希望呈古銅膚色，曾叫Eunice四出搵顏料同調色，令佢嘅皮膚古銅得嚟又可以金光閃閃。最後佢哋特別從英國訂返嚟，每晚將哥哥全身到腳都塗滿今次活動首次展出嘅古銅閃粉，可見哥哥一絲不苟嘅態度。
「Leslie Cup國榮盃」 海外歌迷分享深刻經歷 除咗有本地歌影迷嘅相遇故事，張國榮對海外歌影迷亦有深刻經歷。不但有韓國及日本出版社紛紛為張國榮出書，當中一位日本超級「哥迷」兼插畫師參加過90年代「哥哥的日本歌影迷旅行團」，走遍偶像參演嘅電影場景並有幸於見面會同哥哥握手。
韓國資深「哥迷」則由80、90年代開始收集哥哥喺韓國嘅各種刊物，更將於3月31日遠道而來親身細訴。而本地「哥迷」亦特別借出極珍貴並首度展出的哥哥《Day Dreamin’》簽名唱片，呢張唱片係1978發行嘅首張張國榮錄音室專輯，發行量只有500張。
奧海城Timeless Leslie Encounter 日期: 2023年3月23日至4月2日 時間: 中午12時至晚上9時 地點: 奧海城2期地下主題中庭
「Timeless Leslie導讀團」 報名日期: 2023年3月23日起 報名辦法: Olympian City奧海城 Facebook
Timeless Leslie Encounter 分享會 日期: 2023年3月31日 (星期五) 時間: 下午3時 地點: 奧海城2期地下主題中庭
Timeless Leslie Encounter 刺繡熨布貼換領 換領日期: 2023年3月25日 (星期六)至換完即止 換領方法: 憑即日$800最多2間不同商戶之電子消費*或以S+ REWARDS 20點數，即可換領一套四款以張國榮經典作品為設計的刺繡燙布貼 換領地點: 奧海城2期地下主題中庭
iSQUARE 國際廣場 「消費券」獎賞活動
今個4月係一個好適合購物既月份, 因為新一輪消費券即將發放，再加上復活節假期來臨，都係時候check下自己既shopping list。iSQUARE 國際廣場亦係呢段期間推出「Shop & Dine GO! Rewards」購物獎賞換領活動，由2023年3月27日至5月11日，消費滿HK$600 即可換領「HK$250 商場優惠券」，優惠券可以係超過70 間指定商戶使用，真係一應俱全！
只要蒞臨iSQUARE 國際廣場最多兩間不同商戶，以電子貨幣同日累積消費達
活動詳情 : https://bit.ly/40htf4i
【2023復活節】商場打卡裝置+親子活動推介
復活節有幾日假期，梗係要盡情拍拖、同朋友聚一聚，或者帶小朋友去放電！以下幾個商場/展覽嘅打卡位都各有特色，甚至舉辦市集畀大家shopping，啱心水嘅就預留時間去玩下啦～
旺角｜ MOKO 「打工密語+港Sick打工仔展覽」 +市集 放假係打工仔放鬆心情嘅時間，一於去旺角MOKO新世紀廣場嘅「港sick打工仔心聲展覽」打卡啦～80後插畫師Catco Wong，筆名戴恭濟（打工仔諧音），以嬉笑怒罵手法論盡職場眾生相，創作押韻嘅廣東話打工仔心聲 、盞鬼辦公室打卡場景等。同場更設有相關產品、市集，讓大家享受埋shopping樂趣。
「港sick打工仔心聲」展覽及打卡裝置
「打工密語」市集
中環｜PMQ「 復活童心遊樂場」 PMQ元創方將舉辦「復活童心遊樂場」，讓家長同子女一齊大玩特玩！「小車車大彩虹」遊戲，家長可以同小朋友坐喺小車，化身成「硬幣」瞄準彩虹出發；完成埋「扭身扭勢四腳爬爬大賽」、「捕捉彩蛋怪！」尋蛋遊戲後，可到位於B座地下嘅「復活童心獎品站」，以拋圈圈小遊戲獲取獎品，當中包括衣服、銀飾、皮具、手袋、個人護理、生活用品等！
復活童心遊樂場 PMQ Easter Playground
葵芳｜新都會廣場「Eggs in Bloom」6大打卡位+免費音樂表演+市集
「EGGS IN BLOOM」主題佈置
免費音樂表演
戶外慢活市集
荃灣｜南豐紗廠CHAT六廠 「雲、權力與紋飾─中亞織行」 鍾意靜態文藝活動嘅朋友，不妨去CHAT六廠（六廠紡織文化藝術館）嘅「雲、權力與紋飾─中亞織行」，當中展出26組來自中亞嘅藝術文化創作者作品。今次展覽以「ikat」（一種以精巧、「模糊」圖案為特徵嘅紡織品）作隱喻，展現該地區社會面貌；另外亦將焦點投放到中亞女性藝術家身上，展現其重要力量。
雲、權力與紋飾─中亞織行
花樣百出：往來香港地緣之圖案
馬灣｜挪亞方舟「智潮復活島」活動 提倡從遊戲中學習嘅香港挪亞方舟，將於復活節推出「智潮復活島」特別活動，讓大人小朋友解鎖一連串融合S.T.E.A.M元素嘅嶄新任務，沉浸於一系列智趣新體驗。當中包括「激智無人機挑戰賽」，感受「駕駛」嘅刺激感、體驗無人機足球運動；透過食用印刷技術自製個人化「記憶棉花糖」；而「激FUN皮藝坊」結合極速激光技術同手藝，打造獨一無二嘅皮製飾物；以及「3D模型打印創意工房」讓大家將回收塑膠轉化成小巧精緻嘅3D可動模型；你亦可以參加「掃」碼（QR Code）彩蛋尋寶樂，贏取精美禮品。
挪亞方舟「智潮復活島」活動 按此 ）
其他推介：春意盎然 復活節下午茶推薦（按此 ）
iSQUARE國際廣場「春日好戲賞」
iSQUARE國際廣場於2月13日起推出「春日好戲賞」！只要消費達HK$600或以上，即有機會換領 iSQUARE國際廣場「英皇戲院」電影禮券及 「1011 SIPTEA」50%茶飲折扣券；再憑iSQUARE國際廣場「英皇戲院」之電影戲票於場內超過30間指定商戶尊享購物及餐飲禮遇。商戶包括：人気电器店、twist、Ray-Ban、Chicco、霸王川莊、茶木．台式休閒餐廳、牛一、野玩田店等，禮遇更可享至4月30日。
奬賞 1 : 「英皇戲院」電影禮券及茶飲折扣券換領
奬賞 2 : 「英皇戲院」電影戲票尊享iSQUARE國際廣場商戶禮遇
活動詳情: http://www.isquare.hk/qr/movierewards2023.html
Fortnum & Mason春日新品 推花果茶系列+期間限定茶香香薰蠟燭
春天百花齊放，Fortnum & Mason特別推出全新花果茶品系列，包括獨立罐裝、迷你罐裝組合以及茶包組合；另外聯乘本地香氣產品工作室，製作期間限定蜜桃紅茶香薰蠟燭畀大家換領，讓你將煥然一新、愜意嘅初春感覺帶返屋企。
獨立罐裝新品
Black Tea with Peach, Loose Leaf Caddy（HK$198/125g）：茶葉內含蜜桃果肉片，沖泡冷熱茶飲均清新芳香。
Green Tea with Elderflower, Loose Leaf Caddy（HK$198/125g）：將微燻嘅綠茶混合甘美嘅接骨木花，帶淡淡迷人郁香，清爽脫俗，配襯Fortnum’s皮卡迪利檸檬果醬餅乾都好夾。
Black Tea with Vanilla, Loose Leaf Caddy（HK$198/125g）：特選優質紅茶配搭天然雲呢拿，味道豐厚幼滑、香甜怡人，適合佐以Fortnum’s皮卡迪利朱古力珍珠餅乾。
禮合裝新品
Three Mini Scented Black Teas（HK$248/3×25g）：3罐精選迷你花果紅茶，則帶領大家奔向初夏感覺。當中包括蜜桃紅茶同雲呢拿紅茶外，重有雲呢拿紅茶味道醇厚柔滑，糅合豐富果香同經典英倫風情。
茶包禮盒Fruit Scented Tea Selection（HK$318/80g）：包括士多啤梨紅茶、蜜桃紅茶、檸檬綠茶同橘香綠茶，送禮或自用都好合適。
期間限定禮品
限量版蜜桃紅茶香薰蠟燭僅供換領，不設發售 為咗慶祝是次系列登場，Fortnum’s特意同本地香氣產品工作室BeCandle合作，推出限量版蜜桃紅茶香薰蠟燭，以另一種方式重新呈現Fortnum’s Black Tea with Peach嘅優雅芳香，使充滿春天氣息嘅清甜香調飄散到家中每個角落。
限量版蜜桃紅茶香薰蠟燭特別以升級改造的Fortnum’s茶葉罐為容器，除咗履行Fortnum’s對可持續發展嘅承諾，更呼應Fortnum’s品牌故事 —— 由改造、轉售皇室內已被燃點嘅棄置蠟燭，到成為家喻戶曉精品茶葉品牌，令呢款蠟燭別具意義。
由即日起至2月28日期間，喺Fortnum & Mason K11 MUSEA旗艦店內購物滿HK$1,200（包括1款花果茶品系列產品），即可獲贈限量版蜜桃紅茶香薰蠟燭乙個*（數量有限，換完即止）。
以上新款花果茶系列，於K11 MUSEA旗艦店有售。
Cracking Art公共藝術展 海港城遍佈90隻彩虹色環保動物雕塑
近排行過海港城正門，有大大細細嘅彩虹色兔仔雕塑，其實係意大利Cracking Art藝術組織趁30週年，首次到港展出。是次活動以「動物來襲」做主題，將8種動物：兔仔、企鵝、小獵犬、歐洲貓、大象、海龜、熊仔同鱷魚，共90隻彩虹色、可回收環保雕塑，帶入海港城唔同角落，由即日起至2月28日，歡迎大家嚟打卡。
捐款換領環保生活精品
海港城亦希望大家將環保融入生活細節，由即日起至2月28日推出限量版環保禮品換領活動，大家可以憑即場捐款或海港城消費換領「環保餐盒套裝連Marimekko風呂敷」一套，或「reMatter生物可降解口罩」兩盒（捐款將全數撥捐WWF）。
換領詳情：
換領方法：
詳情及條款：（按此 ）
AnsonLo x OOHA一周年！「OOHAppy Land」全新打卡區
https://youtu.be/VbVe1v5cRyw
教主Anson Lo代言嘅OOHA已經出咗一年啦！柚子海鹽、水蜜桃烏龍茶、荔枝乳酸3種口味你最鍾意邊款？
今朝Anson Lo就現身太古城中心為「OOHAppy Land」揭幕，有多個打卡裝置同擺設，色彩繽紛好有氣氛。即日起至2023年2月28日，大家都可以嚟同教主打卡喇。【打卡位Bookmark】
投影牆有「背靠背」、「Cheers」、「砌心心」互動打卡。 【重現廣告片驚喜場景】 【換禮品攻略】
·「OOHAppy Land」明信片(名額5,000) ·慶生價$1買OOHA迷你罐(名額10,000) ·扭蛋扭出OOHA x Anson Lo限量版便利貼(名限500)
·有機會獲得Anson Lo簽名版OOHA禮盒或禮品包
「OOHAppy Land」開放詳情
【仲有其他地方換禮品！】
7-Eleven
OK 及 Vango 便利店
百佳超級市場
惠康超級市場、大生生活超市、味之戀人、Daily Manson
2023情人節禮物推介！香水/美妝產品/潮流精品
就快到情人節喇，重苦惱緊買咩好嘅朋友，不妨睇睇以下開飯仔推介攞靈感，即使準備咗都可以加碼，讓愛侶拆禮物時更加驚喜～
Atelier Cologne ｜限量版「金光」香水
今個情人節，Atelier Cologne情人節推出限量版「Orange Sanguine赤霞橘光」香水；設計以黃金伊甸園為靈感，當中融入西西里島血橙嘅柑橘元素、怡神又有陣陣幽香嘅中國天竺葵以及澳洲檀香，又有玫瑰氣息，滿載愛同熱情嘅芳香。
情人節限定赤霞橘光香水（HK$1,450/100ml）
YSL ｜全新玫瑰色調唇膏、經典LIBRE香水
想低調送玫瑰？不如試下YSL全新推出嘅玫瑰色調經典唇膏系列「Rouge Volupté Shine迷魅亮彩唇膏」，有煙燻玫瑰、玫瑰冰茶同玫瑰芭菲3隻色，可以保濕長達8小時㗎。另外LIBRE香水瓶身刻有「I Love You」，送禮好似示愛咁，令呢份禮物更加窩心呀！
Rouge Volupté Shine迷魅亮彩唇膏（HK$370/支）、全新 LIBRE INTENSE香水（HK$1,490/90ml）
NARS ｜Orgasm系列法式粉紅包裝
NARS今個月推出新一代、感覺耳目一新嘅法式粉紅包裝設計限量版Orgasm系列，九色眼影盤、四色胭脂組合、多功能彩妝膏等產品，包裝均換上標誌性、細緻金色珠光蜜桃粉紅色調，任何年齡嘅女士拎上手，即時充滿少女感呀。
ORGASM RISING EYESHADOW PALETTE眼影組合（HK$500）、ORGASM FOUR PLAY BLUSH QUAD四色胭脂組合（HK$450）、多功能彩妝膏（HK$380/支）
Leonor Greyl ｜高質護髮用品
法國高質護髮品牌Leonor Greyl，兩款護髮產品極致呵護女生秀髮，一款係蘊含天然成分嘅蜂蜜洗髮露，可締結豐盈動人效果；另外皇牌精華護髮油有效解開纏結嘅頭髮，令髮絲回復亮澤，強韌有彈性，咁輕輕撥起髮絲時更加倍添魅力啦。
限量情人節護髮優惠由即日至2023年2月14日：【左】蜂蜜洗髮露有9折（原價HK$290），【右】皇牌精華護髮油有85折（原價HK$380）
Medicom Toy｜BE@RBRICK LOVE RAT 100% & 400%
如果想佈置愛巢，加添特別擺設，不妒考慮Medicom Toy嘅BE@RBRICK LOVE RAT 100% & 400%，一對兩隻，印上可愛小老鼠攞起畫筆繪畫心心圖案，甜蜜滿瀉。
Medicom Toy嘅BE@RBRICK LOVE RAT 100% & 400%（HK$1,250，生活潮牌網店HBX售）
本地新鮮手工曲奇品牌 推情人節特色甜蜜禮盒
2017年創立嘅COOKIEBOY，係由前五星級酒店糕點師研發嘅手工曲奇品牌，佢嘅美式曲奇強調無添加防腐劇，堅持全本地生產，每日新鮮出爐，確保大家享用到最美味嘅出品。每一塊曲奇均由人手製作，呢份窩心暖意，好啱買嚟代表送畀愛侶一點甜。
COOKIEBOY最近換上全新啞金色包裝，配埋特色禮盒，高貴又得體。想試嘅話，而家可以去中環ifc同尖沙咀海港城city’super嘅期間限定店選購。
