【膠樽回收．現金回贈】即睇更多膠樽收集機地點

只要我哋日常生活行多步，回收廢物為環保出分力就可以減少堆填區壓力，特別係難以分解嘅膠樽。香港太古可口可樂就推出咗「嘟一嘟･樂意收」膠樽環保回收計劃，市民可利用回收機回收膠樽並獲現金回贈。

「嘟一嘟･樂意收」膠樽現金回贈計劃其實自去年9月推出，透過智能飲品膠樽收集機為消費者提供現金回贈，至今已回收約190萬個售後PET 飲品膠樽。喺社區推廣回收膠樽意識，帶動可持續發展生活。

今次聯同牛奶公司將「嘟一嘟･樂意收」實行新階段，將於其旗下沙田宜家家居、山頂Market Place by Jasons 同九龍灣MegaBox 惠康超級市場，設置智能飲品膠樽收集機，令覆蓋範圍更廣，市民更方便將膠樽環保回收從而提高飲品塑膠的回收率，為香港創造可循環經濟。

「嘟一嘟･樂意收」智能飲品膠樽收集機地點（按英文字母順序）
• 中環中心（因應新型冠狀病毒疫情暫時停用）
• 東涌東薈城
• 九龍塘又一城
• 旺角The Forest
• 沙田宜家家居
• 山頂Market Place by Jasons
• 荃灣南豐紗廠
• 鰂魚涌太古坊
• 將軍澳廣場
• 屯門 V City
• 九龍灣MegaBox惠康

【召集上班族音樂人】歌手同台表演機會＋網上直播

自從疫情開始，唔少人透過音樂治癒心靈，令大家繼續有動力對抗疫情。嚟梗太古坊就會舉行PROJECT AFTER 6: THE PITCH 2020，並且首度用網上遴選方式，招募全港有音樂才華嘅上班族參加～

獲選者會登上專業舞台公開演出，並有機會同李幸倪、江海迦、RubberBand、ToNick等多位歌手同台演出。所有演出仲會喺網上直播，用音樂感染更多人。

今次表演場地係喺太古坊嘅藝術空間ArtisTree，佔地7,000平方呎，設有專業舞台燈光設備、音樂同演出器材，用悠揚音樂為觀眾注入快樂能量。

有興趣參加者可由即日起至8月23日經網上報名，並上載不多於2分鐘嘅音樂表演短片作初步遴選，參加者必須年滿18歲並於本港工作，可單獨或組隊參與，每隊人數不多於6人，歡迎大家用唔同類型音樂演奏、自彈自唱或自行邀請伴奏。星級歌手同專業音樂人根據短片選出40隊表演隊伍，結果將於9月4日或之前透過電郵公佈。PROJECT AFTER 6:THE PITCH 2020將於9月21至30日舉辦一連8場免費午間音樂會。

報名日期︰即日至8月23日
結果公佈︰9月4日或之前
演出日期及時間︰9月21至30日 (星期一至五)
下午12時半至下午2時

【口罩妝推介】一文睇晒底妝至唇妝

成日戴住口罩出街可能無咩心情周圍行、周圍揀化妝品，所以今次就集合3大品牌化妝品，主打保濕持久，就算成日戴住口罩都唔易溶妝，而且由底霜至唇膏都有，睇定有咩啱可以直接去買。

su:m37° 韓國天然植物成分極保濕
呢個韓國護膚品牌，主打用80幾種天然植物材料發酵，安全溫和。最近佢哋奢華系列LosecSumma 推出韓妝寶盒有齊底妝品，可以輕易做出韓式底妝嘅細膩透薄，同時化妝品亦承襲同系列護膚品嘅奢華配方，化妝同時護膚。

限量版韓妝寶盒 Blockbuster 有底霜、氣墊粉底、粉底液、唇膏，當中底霜同粉底液係呢個套裝先有㗎。

鎏金溯茫奢華黃金水盈底霜
有滿滿水分同24K 黃金成分，底霜一抹就被肌膚吸收，令肌膚喺妝前吸滿水分，提升妝容貼服持久力。

鎏金溯茫霧光透亮粉底液 (SPF30/PA++)
粉底液質感透薄如絲，可以完美遮瑕，當中嘅Film Fixing System 技術令粉底液同肌膚融為一體，同時保持肌膚自然感，多個角度都睇都相當精緻。通過24小時遮瑕持久測試，韓式底妝Keep 到一日。

THREE 日本品牌主打植物油滋潤
一向走簡約路線嘅日本品牌THREE，嚟咗香港幾年已經吸咗唔少Fans，佢哋用上植物油之餘，有時亦用上日本天然材料，透過植物萃取呵護肌膚。今次2020年8月19將會新推幾款眼影、睫毛膏同唇膏都加咗各種植物油同植物萃取精華。

THREE魅光幻眸眼采盒ALLY
用咗10種植物油同植物萃取精華打造眼影基底，如茶籽油、摩洛哥堅果油、橄欖油等，以保濕同保持質地滑順為主，雙眼容易出油溶妝嘅話可以一試。

THREE魅光藝采睫毛膏
戴住口罩，最重要係眼妝但又唔可以太搶眼，輕輕刷上1層睫毛液已好精神。雖然睫毛不宜太長太濃，但可以喺顏色落啲心思。今次THREE 就有3款顏色－煙燻金棕、柑橘磚紅同堇紫色，同樣有多種植物油如玫瑰果油、白芒花籽油、梅果萃取油等，仲可以強健睫毛質。

THREE我色輕潤光唇膏
有高達78％嘅美容精華成分配方，同樣透過植物油滋潤雙唇。質感水潤光澤，仲有2種粉體修飾唇紋，令嘴唇望落更飽滿。

Nars 經典貼服胭脂新推珊瑚色
講到化妝品，不得不提一定有Nars。作為全球數一數二牌子，佢哋嘅眼影、胭脂、唇膏顏色相當多，有時想搵啲冷門顏色都會搵到，而且佢哋嘅胭脂亦出名貼服，好啱喺長期戴住口罩嘅日子用，就算食飯時除一除低口罩都唔驚胭脂溶咗而面無血色。

ORGASM X 胭脂
全新珠光珊瑚色Orgasm X，同樣繼承質感自然無重嘅微化粉末，細緻粉質夠輕柔，可以根據自己喜疊加塗抹，容易暈染均勻，適合任何膚質。

OIL-INFUSED LIP TINT護唇油
頭先介紹過THREE 嘅唇膏，如果慣用潤澤嘅唇油亦可以揀Nars 嘅Orgasm Oil-infused Lip Tint 護唇油，今次加入咗全新限量Orgasm X 色調，可以塑造豐盈唇妝之外仲有抗氧化成分，可以保持嘴唇潤澤。

【防敏護膚】敏感肌都可以美白

每到週末，想外出抖吓氣嘅人都揀郊區呼吸新鮮空氣，但樹蔭都擋唔住夏天強烈紫外線，令肌膚變黑、缺水，就算用咗防曬都要美白作曬後護理。但敏感肌嘅女生就知道美白產品好易刺激皮膚，令皮膚屏障變薄出現敏感。Dr.Belmeur 就為敏感肌推出維他命亮肌修護精華，用3大成分溫和、唔刺激地美白敏感肌膚。

低敏美白
平時美白產品好易令肌膚乾燥，呢支精華就特別加入天然保濕因子－絲氨酸，用作維持肌膚高持水度，同時極溫和地去角質同減低暗沉；亦有透明質酸為肌膚深層保濕；維他命複合物－泛醇（維他命B5）、維他命C衍生物同煙酰胺（維他命B3）則集中美白舒敏。
低敏眼霜
眼周肌膚特別脆弱，敏感肌揀眼霜時更要小心。同品牌仲有修復緊緻眼霜，利用多重天然草本成分，溫和呵護乾燥脆弱眼周，提升彈性有助減退眼敏。因為產品都經過肌膚測試，用陣就更放心喇。

【用台灣天然雞】精煉12小時滴雞精油脂分離低熱量

疫情之下，大家都更著重健康養生，自問無咩時間煲湯、運動，飲滴雞精都係強身健體嘅便利方法。其實市面上有唔少滴雞精品牌，「鼎級生活滴雞精」就係其中之一。佢哋用台灣天然雞，放入鍋內隔水慢火精煉12個鐘，令每滴滴雞精都又香又濃，補而不躁。

而且製作全程低溫保鮮，並採用「蒸氣不回流」技術，高溫蒸熬、去除腥味、滴出精華，唔會添加水分、色素、味精、抗生素同防腐劑。並透過現代化技術同高溫高壓殺菌處理，做出無菌、無污染嘅高規格滴雞精。

知晒成個製作過程，確保係純天然可以放心飲後，咁滴雞精係有咩養生效果呢？其實滴雞精可以固本培元，有助氣血生成後就能改善體質，減少疲勞同精神不振。當中嘅豐富營養可以補足一天所需，有助提升集中力、舒緩壓力情緒，同時增強自身免疫力。

好多女生都重視卡路里，呢款滴雞精喺製作過程已將油脂分離，每包滴雞精熱量低於15大卡(約1/10碗白飯) 咋。

而家至8月9日仲有額外優惠，用優惠價HK$328(原價HK$388) 買滴雞精禮盒裝(8件一盒)；及優惠價 HK$98(原價HK$128) 買滴雞精小巧裝(2件一盒)。同時，購買指定數量之「鼎級生活滴雞精」禮盒裝，即可額外獲贈指定數量的滴雞精。

了解更多>>http://foodwise.hk/

【赤柱定向賽】刺激自訂路線帶狗狗一齊都得

唔少人都想消耗卡路里，有無諗過消耗卡路里都可以消耗得更有意義？由社企「膳動衡 FOODSPORT」主辦嘅「食物救援-城市定向挑戰賽」，透過城市定向挑戰賽，藉著定向比賽中消耗卡路里轉化成等量嘅食糧，為社區有需要人士同被遺棄或流浪狗提供均衡食物。除咗食物捐贈外，今次活動收益(包括賽事報名費) 喺扣除籌辦成本同食物捐贈後，餘款會撥作支持膳動衡嘅「社區運動」同「食物援助」計劃之用，改善社會健康、貧窮同飢餓問題。

今次定向賽會喺赤柱舉行，有男子或女子團體及個人競賽嘅「挑戰組」外，仲新設「狗狗共融繽紛組」同「親子組」，可以同自己心愛嘅狗狗同6歲以上兒童一齊參加，從中鎩練團隊精神同應變技巧。

定向挑戰賽自訂路線
參賽者可利用大會提供地圖，喺限定時間自由策劃比賽路線，搵出各「檢查點」或完成「任務」，並使用挑戰賽嘅手機Apps 打卡攞分，以每組總分最高者/團隊勝出，考驗智力同團隊合拍性，非常刺激。大會亦增設「黃金時段」，參賽者只要喺該時段到達「檢查點」打卡取分，有機會獲得雙倍或更多分數。

參加者豐富禮品＋大抽獎機會
每位參加者都可獲得紀念T-Shirt 一件同運動防水袋一個，每隻參與嘅狗狗亦可獲得狗狗圍巾同寵物水樽一份。而且每位參賽者都會自動參與大抽獎，有機會獲得30,000 Asia Miles 里數，「繽紛組」更設全場最扮嘢大獎，參加者可為狗狗或小朋友精心打扮爭奪殊榮。

活動詳情
日期：2020年11月1日 (星期日)－賽事及狗狗海濱嘉年華
地點：赤柱
時間：「挑戰組」－上午9時半開始，包括男女混合團隊組、男子/女子團隊組、男子/女子個人組
「繽紛組」－下午1時半開始，包括親子、狗狗共融
名額：1,000人 (先到先得，額滿即止)
報名日期：即日至9月24日 (中午12時正)
註：若已報名人士未能參加11月1曰的賽事，大會可安排參加者的名額一次性免費轉讓予其親友參與。

【底妝＋護膚】快速化妝即睇邊支啱自己膚質

想妝容貼服，除咗揀啱自己嘅粉底外，妝前護膚都好重要，如果妝前底霜可以護埋膚仲可以慳多啲時間㖭。REVLON 早前推嘅「高清無瑕妝前乳霜」系列就喺底妝加入護膚成分，仲有3種唔同功效揀，即睇你嘅膚質應該揀邊支啦～

新系列同時有持妝＋改善肌底功效
粉瓶－適合凹凸不平肌膚
如果你嘅皮膚有凹凸問題，又想改善細紋嘅話就啱喇。

黃瓶－拯救暗沉膚色
夏天好易曬黑，如果仲有膚色不均問題就要針對膚色急救。

藍瓶－適合油性同毛孔粗大肌膚
炎熱天氣令油性肌女生更苦惱，出油又易溶妝，藍瓶就主打控油同隱形毛孔。

乳霜質地嫩滑貼服，達到保濕透氣效果，鍾意快速化妝嘅話可以一試。

【100％純天然】全法國製造果醬配牛扒都得

夏天都想食啲酸酸甜甜嘅嘢，如果食得天然健康就更好喇。嚟自法國南部嘅聖桃園ST.DALFOUR 果醬，用上當地自然果實，製作天然芒果熱情果果醬，100％全天然，不添加任何糖同防腐劑，食到水果本身真正嘅味呀～

果醬除咗有芒果果肉，仲有原粒熱情果籽，口感豐富之外仲好有營養。芒果果肉有多酚、多種維他命同微量元素；熱情果則有抗氧成分，其果籽亦有豐富維他命同膳食纖維，好啱用嚟佐麵包外，都可以加入麵糰作烘培調味，又或加入乳酪、雪糕同甜品等。

又可以加入茶、牛奶或梳打水調製水果特飲，晚餐就用作肉扒拌醬，幾時想食啲法果酸甜味道都得。

【台灣直送】7仔預購站微熱山丘鳳梨奶黃月餅

鍾意台灣嘅話，一定聽過大人氣嘅「微熱山丘」土鳳梨酥品牌，唔少人去台灣都買嘅手信嚟㗎。其實「微熱山丘」嚟自南投，當地嘅肥沃紅土可以種植出高質土鳳梨，所以佢哋嘅鳳梨特別香，粗糙纖維嘅特點令糕點更有口感。

雖然最近未能去台灣一趟，但留喺香港都可以一試土鳳梨嘅香甜。特別係臨近中秋，7仔預購站仲可以買到「微熱山丘」嘅鳳梨奶黃月餅，月餅有鳳梨花紋，呈現烤色嘅烘焙工藝。內餡則有滑順奶黃，配以一絲鹹香同天然酸甜嘅土鳳梨。

喺7仔預購站領取產品條碼，然後去7-Eleven 店付款預購就得喇。月餅仲有限定版包裝盒同專屬布袋，用嚟送畀朋友或留念自用都好啱。

預購日期：2020年7月29 早上7時至8月11日
換領日期：2020年9月8日早上7時至9月14日
預購網址領取產品條碼：www.7-eleven.com.hk/zh/preorder
預購適用於香港及澳門7-Eleven 店舖(全線港鐵站分店除外)