PRADA BEAUTY首度進駐香港！ 銅鑼灣店設個人化訂製服務

PRADA BEAUTY登陸香港喇！今次選址喺銅鑼灣SOGO開設第一間期間限定店同專櫃，由即日起到5月1日，大家都可以去限定店體驗，亦可以去埋同層嘅PRADA BEAUTY專櫃採購心水產品，以及打造個人化訂製服務，為客人帶嚟全新感官升級體驗。

PRADA BEAUTY彩妝產品

店内選用標誌綠色配經典三角元素貫穿全景，科技感十足，令人有煥然一新嘅感覺。彩妝區域則展示品牌各種彩妝產品，有最為人知曉嘅PRADA MONOCHROME唇膏、PRADA DIMENSIONS眼影盤、PRADA SKIN肌膚系列同PRADA REVEAL原光新肌粉底液等人氣產品，愛靚嘅你記得去睇吓喇。

品牌大使及名星推介心頭好產品

今次限定店連品牌大使Win Metawin都有到訪過㗎，Win作為人氣捲席全球嘅泰國男星，以一身型格造型現身，即場體驗各個區域。當中PRADA BEAUTY將獨有嘅PRADA FACTORY個人化訂製服務帶到香港，可以即場喺六款PRADA經典時裝圖案入面挑選自己鍾意嘅花紋，印喺PRADA BEAUTY嘅產品上，打造出獨一無二嘅專屬體驗。

而名媛何超蓮亦大讚品牌嘅美妝產品令人目不暇給，佢最鍾意嘅係PARADOXE EAU DE PARFUM甜而不膩嘅香調，出席唔同場合都啱用。至於今屆新鮮出爐嘅金像獎影后余香凝就表示鍾情PARADOXE EAU DE PARFUM嘅香氣，清新又深邃，神秘而隨性。女星廖子妤則私心鍾愛PRADA MONOCHROME唇膏，因為產品以PRADA標誌元素Saffiano皮革同Re-Nylon再生尼龍質感創作，打造嘅啞緻妝感可以令色澤持久百搭，大家又會點揀呢？

PRADA BEAUTY期間限定店及專櫃
日期：即日起至5月1日
地點：銅鑼灣崇光G/F Prada Beauty Pop-up