【昂坪360°元宇宙初體驗】來回纜車門票75折

元宇宙熱潮席捲全球，昂坪360亦喺今個夏日來畀大家「360°元宇宙初體驗」。你可以360度探索元宇宙（Metaverse）嘅「虛實」，例如現實墟市選購實體精品；體驗區塊鏈（blockchain）科技，製作你專屬嘅NFT等。另外活動期間，喺昂坪360官網/親臨昂坪360東涌/昂坪纜車站售票處，購買來回纜車（標準車廂）門票，更即享75折優惠。

360°元宇宙初體驗×元宇宙萬物公司 Block177
「360°元宇宙初體驗」係昂坪360首度融合元宇宙概念、線上線下嘅全新夏季活動。線上方面投入區塊鏈科技，同初創公司MMMeta及旗下品牌「Block177」 合作，讓大家到訪元宇宙虛擬世界Voxels建構嘅「元宇宙萬物公司Block177」，你可以透過掃描二維碼（QR Code）入去即時訂購心水產品或服務。

「元宇宙萬物公司Block177」更融合虛擬與現實的創意空間，遊人喺店內可欣賞3D纜車，逛遊昂坪市集内嘅壁畫、菩提樹、祝福鼓等打卡熱點。當中更設有線上遊戲讓大家贏取紀念品；而虛擬化身（AVATAR）導賞員Ivan，會不定時現身，大家根據指示於指定時間、地點同真人會面，即可獲發紀念品。

Pop up墟市&NFT尋寶遊戲 融合真假世界

乘搭纜車去昂坪市集前，先掃描二維碼由現實走進元宇宙，預覽昂坪市集嘅商戶同產品；當到達昂坪市集嘅實體Pop up墟市，更可以即時買走精美商品帶返屋企。

而持有有效纜車車票嘅遊人，更可參加「NFT尋寶遊戲」，只要喺市集内搵出3個NFT打卡熱點，成功以手機掃描全部3個QR Code集齊電子印章，可獲紀念襟章1套，。如果成功喺元宇宙完成遊戲，亦可以去昂坪360禮品店（東涌站）、昂坪360禮品店（昂坪站）、香港有愛、360動感影院禮品店、與佛同行禮品店換領昂坪360精美文件夾1個。

NFT工作坊

「我的第一個NFT工作坊」，於每個週末同公衆假期（7月9日、16日除外），持有小童纜車車票並於「NFT尋寶遊戲」成功掃描3個QR Code嘅賓客，可免費參加「我的第一個NFT工作坊」，喺預設圖案上加添創意並填上顔色，作品經數碼化後，會製作成為「我的第一個NFT」。活動期間所創作嘅NFT可免費上載至NFT平台Artzioneer，每日首100位賓客更可即場印製個人化紀念Tote Bag 1個。

NFT助視障人士展示藝術天份

香港盲人輔導會3位視障人士將自己創作嘅作品，製作成5個NFT並於Artzioneer線上平台發佈，讓全球人士一齊欣賞。

360 °元宇宙初體驗活動詳情
日期：即日起至2022年7月24日
地點：昂坪360市集及元宇宙
活動網址：（按此）

所有禮品數量有限，先到先得，送完即止。