姜濤生日慶典 2大商場設大型打卡位+客製化應援精品

姜糖報到！一年一度嘅「姜濤生日慶典」又嚟喇～今年姜濤香港後援會再次召集姜糖全員，齊齊同姜濤慶祝25歲生日，同埋一齊快樂行善。以海洋同浪濤概念打造嘅2個全新「Keung To 430生日慶典」，由即日起至5月1日期間，分別喺The ONE同皇室堡設置「Keung To 430 Shine On Stage」、「Keung To 430 浪『濤』之旅」打卡場景，以及期間限定店等慶祝活動。

尖沙咀The ONE｜「Keung To 430 Shine On Stage」6大湛藍打卡位

「Keung To 430 Shine On Stage」採用型格海軍藍色作主調，以海洋主題打造一片湛藍嘅海洋景象，寓意姜濤嘅才華宛如浩瀚大海一樣，無窮無盡；地下嘅浪濤泛起了一絲又一絲的漣漪，象徵著姜糖們對偶像嘅支持同愛戴無限延展。場地設有6大打卡位，最搶眼莫過於1：1姜濤喺舞台中央閃亮登場！另設Keung To 430 Shining Store，可以即場預訂小姜同埋小濤嘅刺繡T-Shirt、襪子以及「KEUNG TO」刺繡Cap帽等等超過10款全新應援周邊。姜糖們更可到DIY Live Printing Studio即場印製個人化卡片套同收納袋，將獨一無二嘅專屬商品帶走，所有收益扣除成本後會捐予慈善機構做善事，宣揚愛心！

The ONE「Keung To 430 Shine On Stage」打卡位
日期：即日起至5月1日
時間：星期一至日：10:00-22:00^#
地點：尖沙咀The ONE UG2中庭

The ONE Keung To 430 Shining Store
日期：即日起至4月28日（逢星期五至日）及4月30日至5月1日
時間：星期一至日：12:00-20:00^#
*所有商品只設即場預購，詳情及取貨安排請留意姜濤香港後援會於社交平台之公佈，或向現場工作人員查詢。

The ONE DIY Live Printing Studio
日期：即日起4月28日（逢星期五至日）及4月30日至5月1日
時間：星期一至日：12:00-20:00^#
*請於上述活動日期每日10:00起在THE GULU應用程式領取籌號。每日派籌名額有限，派完即止。
*2款限量版慈善精品（包括卡片套及收納袋）即場印製，慈善精品印製需時及每日限量發售，每人每次限購1款精品。限量產品數量有限，售完即止。

銅鑼灣皇室堡｜「Keung To 430 浪『濤』之旅」影相打卡兼品嚐超吸睛甜品

皇室堡嘅設計靈感源自古希臘神話，除咗有可愛嘅吉祥物小姜姜同小濤濤坐鎮外，主題顏色更換上清新海洋藍色。汪洋大海擁有無窮無盡嘅生命力，就好似姜糖們一路以嚟陪伴著佢走過風浪。商場設有5個吸睛打卡位同浪濤甜品閣，當中有本地網店「Phoenix Sweets海浪烘焙店」帶嚟多款甜品，包括特別打造嘅Keung To生日蛋糕，好有心意啊！而「山浪Waves深海喫茶店」除咗供應手工奶茶同氣泡茶飲品，仲特別設計生日許願漂流瓶，粉絲們可以喺飲品嘅玻璃瓶上寫上對姜濤嘅願望，sweet咁過「姜Man」生日！

另外，姜糖們亦唔可以錯過「Keung To 430 與海洋王子有個約會」，吉祥物換上全新海洋王子造型，由即日起至4月28日嘅每個週末，以及4月30日、5月1日，會於指定時間現身銅鑼灣皇室堡同姜糖見面，粉絲們記得要去捧場喇！

皇室堡「Keung To 430浪『濤』之旅」打卡位
日期：即日起至5月1日
時間：星期一至日：10:00-22:00^#
地點：銅鑼灣皇室堡地下中庭

浪濤甜品閣詳情：
日期：即日起至至5月1日
時間：星期一至日：12:00-20:00^#
*詳情稍後將於姜濤香港後援會及商場社交平台公佈

皇室堡「Keung To 430與海洋王子有個約會」活動詳情：
日期：4月13 -14日、4月20-21日、4月27-28日、4月30日及5月1日
時間：12:00-18:00（共6節，每小時1節，每節20分鐘，每節20個）
地點：銅鑼灣皇室堡地下中庭
參加方法：活動會於當日09:30即場派發入場證，每人每日只限領取入場證1張，每日入場證名額有限，先到先得，派完即止。
*小姜姜及小濤濤吉祥物將分別於指定日子現身，詳情請留意姜濤香港後援會及商場社交平台公佈。

「Shining Keung To 限定卡」｜The ONE及皇室堡（特別版）
派發日期：即日起至4月28日（逢星期四至日）
派發時間：15:00-19:00
派發地點：The ONE L1換領處（L106號舖對出位置）及皇室堡15A樓換領處
領取方法：活動期間於The ONE「Keung To 430 Shine On Stage」或皇室堡「Keung To 430浪『濤』之旅」打卡，並將照片上載至個人Instagram帳號及標籤 #HAPPYKT430DAY2024，再到相關換領處向工作人員出示有關帖子，即可免費換領，每日換領名額有限，換完即止。

^#限定店開放時間若因配合其他活動而更改，將於姜濤香港後援會、The ONE及皇室堡社交平台及商場內公佈，或於顧客服務中心查詢。