抹茶控出動喇！7-Eleven日本直送宇治抹茶甜品～

每年3、4月嘅抹茶節都係抹茶控最期待嘅季節。但受武漢肺炎影響，大家都避免外遊。去唔到日本嘅你都唔洗唔開心，因為7-Eleven已經將3款宇治抹茶甜品由日本直送到你面前，包括7-SIGNATURE x 伊藤久右衛門抹茶千層蛋糕、抹茶甜品杯同埋抹茶忌廉泡芙！

千層蛋糕以多層嘅可麗餅皮包住由伊藤久右衛門宇治抹茶製成嘅抹茶忌廉，入口即化仲啖啖都食到宇治抹茶特有嘅茶香。

想食層次再豐富啲嘅一定要試呢個五層抹茶甜品杯～底層係抹茶海綿蛋糕、中間配上抹茶忌廉同北海道牛奶忌廉，頂層則有宇治抹茶粉～食完成個口都散發住抹茶嘅甘醇香氣！

至於抹茶忌廉泡芙就以獨家配方製成濃郁嘅抹茶忌廉，配搭蓬鬆軟熟又帶有蛋香嘅泡芙，雙重口感非常滿足！