Event Details

東京食品雜貨精品店登陸銅鑼灣 12/1開賣日本精品+食品 總店位於東京日本橋嘅「日本百貨店」，將於1月12日以店中店形式進駐松本清銅鑼灣旗艦店，帶嚟日本全國各地嘅生活精品同食品！精品推介奈良產嘅紗巾、昭和復古系列傢品。而食品則有草莓甜品專門店嘅濃縮藍莓漿，一樽可以製作約10杯藍莓牛奶；使用大分縣產柚子皮同鹽製成嘅生柚子醬，配搭肉類、麵條同火鍋都得；另外重有櫻花型通心粉、薑蜜番薯乾等。