【紫色控】上水廣場 x Rody French Romance夏日奇幻之旅

暫時未去得旅行，但又想感受吓異國感覺嘅話，去上水廣場就有Crossover Rody 嘅法國浪漫奇幻之旅喇。呢度有法式浪漫紫國度，可以秒遊巴黎熱點，快閃打卡。仲有「Rody夢幻鐵塔」同「馬卡龍法式甜品馬車」，另外仲展出35件全新設計紀念版夢幻紫Rody，並有期間限定「上水廣場 x Rody立體照相館」同「『Wall』心Rody凱旋門」互動遊戲，Rody 鐵粉唔好錯過限量禮品換領呀。

4.5米高Rody夢幻鐵塔
彈跳力十足嘅Rody 繫好飄逸絲帶，一口氣跳上4.5米高粉紫「Rody夢幻鐵塔」歡迎大家進入奇幻之旅。

然後見到浪漫紫色「馬卡龍法式甜品馬車」同薰衣草園上嘅巨型萌爆Rody。

「『Wall』心Rody凱旋門」互動遊戲好簡單，只要喺觸控式屏幕揀一款「I Love You」愛的宣言，再輸入摯愛暱稱同自己個名，摺好心心後投向凱旋門，Rody 就會喺門上出現畀你影相。Rody 仲會帶你去凱旋門口後搵幸福彩蛋，3D 紫心心祝福拱門亦好啱影相。

期間限定Rody 立體照相館
凡於推廣期內逢星期六、日及公眾假期，於上水廣場(2至5樓)以電子貨幣消費滿HK$200，即可到期間限定「上水廣場 x Rody立體照相館」，與表情多多的Rody 合照，並即時打印成充滿動感嘅3D立體照片，在夢幻繽紛的相框襯托下，以不同角度盡顯不同少女幸福感。

35件全新設計限量紀念版夢幻紫Rody
今次活動特別設計嘅35件全新設計紀念版夢幻紫Rody 展覽，由Rody 組成一幅超療癒夢幻3D畫。

而Rody 限量夏日禮品就有「上水廣場 x Rody 手提電風扇」、「上水廣場 x Rody 兩用 Tote bag」、「上水廣場 x Rody環保水杯」同「上水廣場 x Rody 充氣跳跳馬」，等Rody 今個夏天陪住你！

上水廣場 x Rody French Romance夏日奇幻之旅
日期：即日至2020年8月31日
時間：上午10時至下午10時
地點：上水廣場2樓中庭 (上水港鐵站A4出口)

上水廣場 x Rody立體照相館^
日期：2020年8月1日至8月31日 (逢星期六、日及公眾假期)
時間：下午1時至下午5時
地點：上水廣場2樓中庭
參加方法：於上水廣場(2至5樓)以電子貨幣消費滿HK$200

限量禮品換領*^
日期：即日至2020年8月31日
時間：上午10時至下午10時
地點：上水廣場4樓顧客服務中心
換領方法：The Point by SHKP會員憑指定會員積分，可換領限量版「上水廣場 x Rody French Romance夏日奇幻之旅」精選禮品*乙份。

地址：上水龍琛路39號 (上水港鐵站A4出口)
電話：2639 9638

*禮品數量有限，換完即止，換領詳情請參閱場內換領條款及細則。
^活動詳情請參閱場內換領條款及細則。