旺角MOKO Jr. 玩具祭　最強動漫＋超萌卡通集結

今年有一眾動漫人物陪你過夏天！即日起至8月30日，最強動漫卡通精品齊集旺角MOKO新世紀廣場「MOKO Jr. 玩具祭」，人氣動漫Figure、萌爆精品都有！整個「MOKO Jr. 玩具祭」分為2個主題，首回主題為「最強動漫精品集結」，由即日起至7月28日，雲集新世紀福音戰士、海賊王、迪士尼、龍珠超、高達、魔神英雄傳等過百款卡通動漫產品以會場限定價發售，連未曾於市面發售嘅最新品都有現貨！

第二回主題「超萌卡通禮品」則由7月30日至8月30日推出，包括 DISNEY TSUM TSUM、迪士尼小熊維尼、Hello Kitty、KAKAO FRIENDS等，動漫迷一定買到心水精品！

人氣精選商品大割引 獨家、新款玩偶大滿足
「MOKO Jr. 玩具祭」搜羅超過百款卡通動漫產品，特別引人注目嘅係NXEDGE STYLE《新世紀福音戰士》EVA 初號機 (夜間戰鬥VER.)現貨！呢個版本將初號機配色改為半透明紫色同螢光綠，重現同第4使徒夜間戰鬥嘅面貌。配件部份比一般版加入440mm 格林機砲同可收納電磁步槍武裝大樓，可玩性大增！

現場仲有迪士尼角色造型公仔系列—Herocross Chubby，各個迪士尼角色以全新肥嘟嘟可愛風格驚喜登場，迪士尼收藏愛好者一定要睇。

另外仲有會場限定大割引發售嘅海賊王三兄弟系列薩波/艾斯/路飛、PG 1/60 WING 高達零式．改 (永遠的華爾茲特別版)、Figure-rise Mechanics 多啦A夢，Figuarts Zero-懶熊妹、迪士尼米奇老鼠 90週年紀念版 (1930年)等，折扣高達2折，比起坊間買更抵。

MOKO「Jr. 玩具祭」
日期：即日起至7月28日 (第一回-「最強動漫集結」)
日期：7月31日至8月30日 (第二回- 「超萌卡通禮品」 )
時間：上午11時至晚上9時
地點：MOKO新世紀廣場MTR樓層中庭

MOKO POP X 玩具祭 購物優惠
日期：即日起至8月30日 (除7月29、30日外)
時間：早上11時至晚上9時
換領地點：MTR樓層中庭MOKO Jr. 玩具祭收銀處
換領詳情：
•於旺角概念專區MOKO POP消費滿HK$100，可獲HK$25 「MOKO Jr. 玩具祭」消費贈券，並可獲夾公仔機金幣一個，每日名額40個。
•於「MOKO Jr. 玩具祭」消費滿HK$200，可獲HK$50旺角概念專區MOKO POP贈券，並可獲夾公仔機金幣一個，每日名額20個。