黃大仙中心x意大利Venchi　高級朱古力月餅

中秋應該甜蜜蜜咁過～黃大仙友要留意喇，黃大仙中心今個中秋首度聯乘意大利百年朱古力品牌Venchi，舉辦「甜蜜滿『意』」中秋換領活動，可以於9月7日起消費換領黃大仙中心專屬嘅「Venchi尊貴月餅禮盒」，Venchi特別將意大利朱古力糅合中式傳統月餅，並以高雅花朵造型呈現，寓意花好月圓。

月餅禮盒有2款朱古力月餅＋3款朱古力。朱古力月餅—「榛子餅乾碎巧克力月餅」同「黑櫻桃巧克力月餅」係全天然食材製作，前者外層係用56%濃度黑朱古力，內餡係鬆脆無麩質嘅榛子餅乾同軟滑榛子蓉巧克力，有強烈口感對比。

「黑櫻桃巧克力月餅」外層係用75%濃度黑朱古力，內餡用黑櫻桃醬＋杏仁蓉黑朱古力，酸中帶甜，味道層次豐富，而且無任何蛋、奶成分，特別適合素食者。

除咗兩款月餅，仲有75% Chocaviar黑朱古力、Chocaviar焦糖軟心朱古力、Chocaviar榛子蓉軟心朱古力各2件，口感軟滑。

月餅禮盒仲會附送絲絨首飾格1個，令月餅禮盒可重用為絲絨首飾盒，實用環保。

換領詳情
9月7日起，連續7日內於黃大仙中心以電子貨幣*累積淨消費滿HK$2,800或以上（憑商場不同商戶發出之機印發票正本最少2張及最多7張），即可於9月11日起免費換領1份「Venchi尊貴月餅禮盒」。禮品共500份，先到先得，換完即止。

*電子貨幣消費包括信用卡、易辦事、Apple Pay、Samsung Pay、Google Pay、Tap & Go、八達通或其他手機支付程式。