港式懷舊。商場遊

最近有聽過一個叫「撐香港人！感謝節」的品牌活動，推出了多個購物優惠出場來回饋市民。不少品牌可以話是「細細個就聽過佢個名」，稱得上是香港人的集體回憶之一。

提起香港人的集體回憶，你又會想到甚麼？相信不少港式美食或香港製造的老字號，絕對應記一功。

若然，當有日行商場時，發現了這些香港本土名物，見住「佢哋」，是咪啲回憶都返晒嚟？

小編：阿Mie

牛頭角下邨的懷舊味－得寶商場

在九龍灣的得寶商場（TBG Mall）內，有一處名為「牛下新城」的懷舊地。整個佈置裝修，始於2015年重新裝修後，商場再出發，將往日的牛下回憶，透過小店和不同裝飾，活現於眼前！

一入牛下新城，各式的指示牌和牆上掛飾充滿本土味！還記得曾灶財的牆上手稿嗎？

各式攤檔用上懷舊的港式鐡閘，每道鐵閘雕有不同的字詞，就如上圖(右)那個「中頭獎」，絕對是影相「呃like位」，

鐵閘外，枱頭看會見到不同的橫匾，很多的名字都是耳熟能詳，好多都是以名字行頭的店名，一睇就是知道是誰開的……（笑）

行到中途，見到一間很骨緻的小食攤檔，開宗明義賣懷舊嘢。這個名叫「林記懷舊小食」的攤檔，更有全港獨家、專程由泰國運來的「綠寶橙汁」，小編買了一支，感覺是「唔同啲」！

Info
林記懷舊小食：林記懷舊小食Facebook專頁

牛下新城裡，有一個叫「得米美食檔」的美食之地。「得米美食檔」的出現，查實源於2011年清拆的牛頭角下邨（又稱「牛下」）的集體回憶，當年的牛頭角下邨美食檔，曾經是美食天堂。

得寶商場變裝後，「得米美食檔」更找來了當年在牛下八座對外的球場推木頭車賣牛雜的小檔第二代負責人達哥，開設了「八座小食」，煮理了當年牛下美食，讓大家尋回昔日的好滋味。當然，除了「八座小食」還有其他特色又親民的好東西，行完商場睏咗，都可以在室內大快朵頤！

Info
TBG Mall 得寶商場: TBG Mall 得寶商場Facebook 專頁

港式茶記cupcake!! 　 Ben Sir教你「扮晒嘢」

在尖沙咀的好時中心，細細個就聽過「好時沙嗲」，最近，除了沙嗲，現在多了一個個扮晒嘢的香港地茶記「名物」。

這個，就是cupcake專門店的特製茶餐廳系列cupcake，當中更找來鬼馬風趣的Bensir來構思整個系列的名稱－「扮清高」。

小編跟Bensir談了一會，瞬間化成「問題兒童」，問了數題有關蛋糕與香港地有關的二三事，這款系列的蛋糕，造型帶有港式茶記的特徵。

Q：小編       A：Bensir

Q：查實點解叫做「扮清高」？
A：構思源自twinkle讀音，香港人除咗鐘意食嘢，仲好鐘意玩食字。

Q：你認為乜嘢先代表到香港地？
Ａ：咁梗係香港茶餐廳啦！夠地道香港地。

Q：如果唔叫「扮清高」，中文上有無其他叫法?
A：可以叫「裝清高」嘅其實。

Q：咁我哋做寫作嘅，猶其係要用一啲廣東話嚟寫嘢，點樣先寫得好呢？
A：無架，要睇多啲，諗多啲，啲嘢撞吓撞吓就有架啦！(笑)

廣東話千變萬化，而今次呢款系列Cupcake每個糕仔細細，都會加插一個廣東話形容詞牌仔畀佢。行經好時商場，除了沙嗲，現在又可以一睹多樣港式名物的「風采」了。

Info
Twinkle Baker Decor: Twinkle Baker Decor Facebook 專頁