march, 2020
Event Details
7間荃灣、元朗區外賣自取精選！
抗疫期間，大家都減少咗出外用餐，喺屋企下廚嘅相信廚藝都增進不少！但當大家都喺屋企食差唔多嘅餸菜，有時都好想食下其他國家嘅菜式，彌補番冇得出國旅行嘅慾望。嚟荃灣同元朗區多間有外賣自取服務嘅餐廳，喺屋企都可以安心歎到多國美食，cheer up下自己啦！
高CP值日料 爆料手卷、足料拉麵
住荃灣嘅朋友仔想喺屋企歎一碗熱騰騰嘅拉麵？可以考慮別府駅前料理！佢嘅拉麵湯底沿用九州別府嘅傳統配方，每日均以豬骨、雞、新鮮蔬菜等真材食料，熬湯超過10小時，誠意十足！其中九州拉麵同埋黑蒜豚肉拉麵更係別府必食之選，另外亦有壽喜燒、丼飯、刺身、炸物等料理，一定滿足到大家對不同日本料理嘅要求！
 |
 |
地址：荃灣眾安街68號荃灣千色匯I期3樓3012號舖
呢間喺元朗嘅日式小店菜式非常多元化，除咗有過百款即製壽司，仲有滿滿嘅魚生飯、炸蝦丼、湯拉麵同埋冷麵！但最出名嘅一定係佢嘅「爆料手卷」，用料豐富，啖啖都食到飯同料～大漁更歡迎預訂各種刺身壽司拼盤，喺屋企歎日料就係咁簡單！
地址：元朗教育路1號元朗千色匯地下28號舖
提到日本，當然少不了大阪美食。呢間喺元朗嘅小食店就主打大阪街頭美食，包括大阪燒、關西炒麵、日式薯餅等！其中嘅牛肉關西炒麵口味更是非常地道，以自家調配嘅獨特醬汁，配上蘿蔔、椰菜同重量嘅牛肉，最後淋上沙律醬、燒汁同香蒜，呢個味道一定會令你有種置身大阪嘅感覺！
 |
 |
地址：元朗西菁街23號K Plus地下6號舖
人均$50以下 抵食泰式船麵
有人話，好嘅湯底就係一碗麵嘅靈魂。篤篤船麵店主親赴泰國嚴選進口食材，更向船麵專家取經並設計菜單，將船麵嘅靈魂香濃湯底帶到香港！當中必食嘅一定係篤篤特式細船麵，仲可以揀唔同配料、湯底同麵條，食得辣嘅更可以升級加配特辣湯底。其他特色美食包括特色泰國彩虹湯船麵、超級牛魔王船麵同埋木瓜沙律配泰式脆皮燒腩，想隨時食到正宗泰國菜真係話咁易！依家外賣自取仲有85折優惠添！
地址：荃灣眾安街68號千色匯I期2樓2031號舖
放肆「滋」選 齊歎超足料漢堡
想食個快餐唔少人都會諗起漢堡，元朗千色匯嘅90’s Corner就正正主打高質素嘅漢堡。當中「雙層安格斯牛肉芝士漢堡」嘅漢堡牛肉由人手新鮮手打，每塊重達158克，咬落啖啖Juicy！若你自問係大胃王，就一定要挑戰超足料嘅「招牌漢堡」，一份有齊肉汁爆滿嘅手打牛同超級酥脆嘅吉列炸蝦，挑戰你嘅胃口！
 |
 |
地址：元朗教育路1號元朗千色匯地下34號舖
口痕「滋」選 新式飲料、有營零食
最近天氣開始暖和，想飲返杯透心涼茶飲嘅「茶里」。佢提供多種混合選擇同新型茶飲料，其中人氣滋選包括至尊鮮芒果香、雪芝混合梅同小芋圓蜜桃鳥龍奶茶！
 |
 |
 |
地址：荃灣眾安街68號荃灣千色匯1期2樓2013號舖
呢排成日喺屋企，有時口痕痕，但食零食又怕肥，大家就可以去引進世界各地不同健康有營零食嘅綠日堂大揀特揀，啱哂想保持體態嘅你，當中人氣產品有士多啤梨、榴槤等乾果。另外亦有高纖低卡但飽肚感十足嘅蒟蒻麵，啱哂一屋老幼啦！
地址：元朗教育路1號元朗千色匯地下K1號舖