而家去澳門玩，除咗可以「玩影相」、「玩景點」仲興玩埋酒店，因為澳門酒店除咗房靚、賭場大，仲有好多藝術同玩樂設施，留喺酒店玩一日都得呀！

創意花藝佈置

講到藝術裝置，一定要提澳門永利皇宮，因為特別邀請咗著名花藝設計師Preston Bailey 創作大型花卉雕塑。出自大師手嘅夢幻花藝佈置，真係件件藝術珍寶，一定要嚟影相打卡呀。

觀光纜車

以前點會估到，酒店都會有埋觀光纜車咁勁！永利皇宮嘅觀光纜車仲好有氣派，6座位纜車有冷氣設備，可以一邊欣賞永利皇宮全貌、表演湖同路氹城景色，一邊細聽聲音導航。

表演湖

玩還玩，記著留意時間去表演湖睇水柱舞動表演。每日黃昏開始，表演湖都會有音樂與光影表演，將變幻水波同音樂旋律結合，又夢幻又靚。除咗喺湖邊欣賞，亦可以選擇喺客房或酒店餐廳雅座上慢慢觀看。

講完永利皇宮有咩玩，咁「住」方面又點呢？呢度樓高28層，有1,706間客房、套房同別墅揀㗎！同場仲有超過106,000平方呎嘅永利名店街，行完街仲可以人全澳門最大嘅水療中心、美髮中心放鬆吓。