IKEA 正式進駐澳門～首間IKEA 分店已經喺氹仔開幕啦。早前因疫情關係實施預約措施，終於等到2020年5月7日正式開放畀大眾入場喇！分店佔地90,000呎，設有傢俬陳列室、IKEA Cafe同瑞典美食廊等。但留意返，IKEA Cafe 於2020年5月12至15日不設對外開放，想去食肉丸嘅話記住留意官方最新消息喇。

IKEA 自2016年起喺澳門只有提貨中心，IKEA 粉絲想買嘢都要透過網上或香港門市先得，而家終於可以實地閒逛！IKEA 店內嘅真實居住個案設計，真係帶嚟好多家居擺設靈感。

特別營業安排

為咗配合澳門政府防疫措施，顧客都要配戴口罩同展示澳門健康碼先可以入商場㗎，建議事先於網上申請澳門健康碼，以縮短等候時間。

同時，大家仍然可以透過IKEA 香港網上商店訂購產品，辦理運往澳門、組裝或取貨服務。

相片來源：IKEA