近年唔少男仔鍾意Barber 頭，估唔到澳門都有間Joker’s Barbershop & Grooming，由Jet、Ming同Maurice 3位型男主理。佢哋各具風格，Jet同Ming 專注英倫風油頭，偏長略帶頹廢感，走優雅路線；Maurice 則專注美式油頭，線條層次分明、乾淨俐落伴隨濃厚街頭文化，走粗獷感路線。

將一件事做到極致，就係藝術。呢度同一般髮型屋有明顯區別，只做不敗「油頭」造型，唔追逐流行趨勢，只求幫每位客人剪一個完美嘅Barber 頭。

Barbershop 開店於澳門氹仔，Jet 表示欣賞氹仔舊城區嘅氣氛，同佢地嘅理念不謀而合，因此揀咗呢度打造第一間Barbershop。

店面以精緻後現代格調，從沙發、煙灰缸、復古刀具、髮臘、髮油、推剪技巧都反映出來。店家嘅經典復古感覺，加上該區傳統南歐風情，交匯出一種獨特感覺。

相片來源：jokers__barbershop @Instagram