【著旗袍影靚相】一店有齊租旗袍.Set頭.澳門自拍地圖!
Updated: 24/02/2020
澳門有好多特色建築物,可以見到唔同嘅中西方文化交匯,仲係自拍留影嘅好地方。原來澳門而家仲有旗袍租借服務,可以預訂時間去揀旗袍,仲有埋簡易髮型整理~輕輕鬆鬆用有別於平時嘅造型影相,只要喺當日指定時間前歸還就得喇。
如果你有日本租借和服經驗,一定好了解呢個旗袍體驗過程,可以揀靚衫、Set靚頭去唔同地方影相,記低呢個更優雅嘅自己。澳門呢間「旗緣」就有好多顏色、圖案旗袍揀,每人最多可試著2件。
值得一讚嘅係店家仲會提供埋觀光景點地圖,懶得自己搵靚景嘅話,跟住地圖行就得喇。
同閏蜜一齊著旗袍,梗係要影多啲相留念啦!
同另一半影都好有感覺,就算當係Casual啲嘅Pre wedding都得,效果幾有新鮮感。
圖片來源:旗緣