打卡熱點!浪漫葡風戀愛巷
Updated: 31/03/2020
澳門地方細細,但係IG打卡熱點多不勝數,其中一條有80幾年歷史嘅巷仔,只有短短50米,但卻喺近年被發掘成為打卡大熱門。呢條就係位於大三巴附近嘅——戀愛巷。
講返少少故仔,戀愛巷由葡文譯返過嚟,有指原意為「受難」,後嚟被譯為「戀愛」。Anyway,小巷兩旁都係粉紅、淡黃牆身、綠窗白框嘅三層高葡式風格建築,顏色配搭柔和中帶繽紛,既有戀愛中嘅浪漫,亦有曖昧中嘅夢幻感,無論係同戀人定閨蜜嚟,都一定可以帶住一輯寫真離開。
唔少電影、電視劇都曾經喺度取景,《游龍戲鳳》就係其中一個例子,大家可以來拍個仿劇照呀。
有澳門民間傳說講行過戀愛巷嘅話,冇耐就會遇上戀愛咯。唔知是咪真嘅呢?想開催戀愛運嘅朋友不妨嚟試試啊。