將光影藝術玩得出神入化嘅teamLab 喺日本一直大受歡迎，早前都有喺香港同澳門展出過，但常設館一直都得東京有。最近終於有好消息振奮一眾港澳Fans，就係teamLab 將會喺The Venetian Macao 澳門威尼斯人開設常設美術館，係東京以外第二個常設美術館嚟㗎，心血來潮想去teamLab 影靚相，近近哋去澳門就得喇，真係話走就走呀！

澳門嘅常設美術館會以迷宮為主題，預計有5,000平方公尺大，官方表示2020年3月就會開館，睇嚟一眾Fans 好快等到喇。

8米高嘅美術館，將會被塑造成有高低差嘅精密立體世界，並貫徹teamLab 專長以光與影呈現大自然，置身其中嘅觀眾將會感受到人類與大自然嘅聯繫，猶如融入光影藝術中，將人同藝術間嘅界線變得模糊，係一場參與其中嘅藝術之旅。

*因應新型冠狀肺炎疫情防控，「澳門teamLab 超自然空間」開業將會延後，具體日期及詳情有待公布。

圖片來源：teamLab