【優秀開飯熱店大賞 2016】菜式組別

雖然話一樣糧可以養百樣貓，不過唔同貓都會鐘情唔同口味。

係OpenRice入面唔單止集百家之大成，有如聯合國咁有齊中亞歐美拉丁非洲菜，連中國八大菜系唔同嘅分支都可以搵乜有乜；而日本菜簡直係除咗日本以外最多最齊、連行街都可以隨時埋嚟揀埋嚟食、唔食都聞下嘅地方之一；而至於西菜，啲豉油西餐分分鐘勁到星級廚神都唔識點煮、例如果啲瑞士都冇嘅雞翼、星洲都搵唔到嘅星洲炒米同法國都食唔到嘅法蘭西多士，所以你都咪話香港唔多元共融。

不過，你又知唔知以菜式論，究竟粵菜西菜日本茶定係糖水甜品鋪係香港最多？

答案係西菜呀！原來有超過三千幾間咖！