中秋節2023 商場打卡/活動精選推介（持續更新）

中秋節揾節目，打卡影靚相梗係其中一項啦～各大商場設有特色中秋裝置，或推出市集、消費獎賞，睇啱就預留時間去大玩特玩喇。

9月25日更新

尖沙咀｜海港城LCX

LCX期間限定活動「港式嚟場 HK Signature」，設計以50至70年代嘅香港涼茶鋪、中醫藥舖、特色街景為設計藍本，帶大家走一場混合舊式同現代元素嘅「港式嚟場」體驗。場內有多個打卡位、期間限定店外，工作坊更設有調製自家專屬氈酒、探索東方草本酒等主題，又加入廣東話同音異字、新世代用語等裝飾，令整個懷舊場景充滿玩味。

活動更邀請到「五味雜陳Ｍagnolia Lab」、「緻月Two Moons Distillery」、「閣樓釀造 Mezzanine Makers」、「Mindful Sparks」、「月榥Lunaqua」、「山浪Mt Waves」、「BeCandle」以及「美樂士多」八個本地品牌合作，提供多款高質香港製造產品，包括結合傳統草本植物、西方精釀技術嘅浸泡酒、手工杜松子酒、氣泡茶、得獎手工港式奶茶、經典涼果小食等。

「港式嚟場 HK Signature 」展覽
日期：9月22日至10月23日
地點：尖沙咀海港城海運大廈三階LCX正門、Oasis 2（祥仔辣辣前方）及Oasis 3（Xplus附近）

「港式嚟場 HK Signature」期間限定店
營業時間：9月22日至10月23日，11:00-21:00
地點：尖沙咀海港城海運大廈三階LCX正門（高合乎醺吧位置）

LCX「港式嚟場 HK Signature」工作坊
日期：9月30日，10月1、2、7、8、14、15、21、22日
時間：14:00-18:00（詳情按此）
地點：尖沙咀海港城海運大廈三階Oasis 3（良拎秘坊位置）

尖沙咀｜Mira Place

一連四日中秋節、國慶假期，Mira Place呈獻「Mira After 8 愈夜愈賞玩」主題夜遊推廣活動，讓你同親朋好友於8pm後盡情購物享樂。3大優惠同活動包括：
1. 秋月悠遊手作市集：20間本地手作小店、部分Mira Place商戶將延長營業時間至11pm。
2. 悠遊夜賞：做齊指定步驟，即免費獲贈富豪雪糕配恆香老餅家港式冰室系列蛋卷。另外於中秋節當日電子消費滿$200，可額外獲得恆香老餅家趣緻中秋豬籠餅同可愛燈籠。
3. 悠遊賞月．賞音樂：佈置滿天燈籠嘅Mira Steps，將化身成本地Busker音樂舞台，讓大家喺醉人嘅歌聲中歡渡佳節。

由即日起至10月31日，Mira Place更推出期間限定「Mira After 8 消費3重賞」，消費即送雙倍積分、免費泊車以及餐飲商戶現金禮券，回贈率最高達40%！而10月中至10月尾，「日本秋祭」則以日式步行街造型回歸，逢星期五、六會延長營業至11pm。

「悠遊夜市」— 「秋月悠遊手作市集」
日期：9月29日至10月2日，12:00-23:00；10月3至8日、10月13至15日，12:00-20:00
地點：Mira Place 中庭及B1

「悠遊夜賞」換領詳情
日期：9月29日、10月1日，20:00-23:00
地點：Mira Place 彌敦道出口（渣打銀行對出）

「悠遊賞月．賞音樂」
日期：9月29日、10月2日，20:00-22:00
地點：Mira Steps

愉景灣｜愉景廣場

「月兔」陪你過中秋！愉景廣場以「玉兔圓月慶中秋」為題，由即日起至10月8日，於露天草地設置80隻唔同顏色嘅發光月兔，配合樹上掛飾，啱晒一家大細嚟賞月打卡；你重可以參加愉景灣玉兔攝影比賽，做齊指定步驟，有機會贏取$50愉景灣禮券乙張、單程船飛兩張。

另外香港愉景灣酒店特別推出「中秋共聚賞月優惠」，享用自助晚餐後，可於海邊賞月同時玩樂猜燈謎，再同5米高月亮裝置拍照留念。而愉景廣場、D’Deck、愉景北商場內多個商戶以及特色餐廳，亦推出多款節日套餐、月餅優惠，回程更可憑指定餐飲消費，獲取同日由愉景灣返回市區嘅免費交通優惠。

發光月兔主題佈置
日期：即日起至10月8日，19:00-23:00
地點：愉景廣場 露天草地（The Coffee Academics 對出）

觀塘｜VESSEL發現號

今個中秋嚟觀塘海濱「VESSEL發現號」，潮玩光影藝術體驗～《青年藝術節×中秋「觀」光市集》結合中秋限定觀塘繞道橋底光影投射、約3.5米高「月光兔兔發現主題裝置」、太空人摘星打卡位、LED霓虹燈打卡位等光影藝術體驗外，重有文青市集、免費工作坊同街頭表演，讓大家吹住海風，chill爆selfie。

而秋限定文青市集召集近50位來自唔同範疇嘅潮人檔主，供應多款獨一無二嘅本地文青系手作服飾、原創工藝品、寵物配飾、塔羅占卜等，匯聚本地潮流文化創意。另外設10場免費藝術手作工作坊，請嚟多位專業導師即場教授點描曼陀羅、刺繡、兔兔小夜燈等DIY手藝創作。加上近二十隊組合Busking表演，一連三日讓大家玩個痛快！

《青年藝術節×中秋「觀」光市集》
日期：9月29日，18:00-00:00；9月30日至10月1日，13:00-22:00*
*獲確認參加藝術手作工作坊之公眾人士，可於11:00到達場地參加第一節活動
地點：觀塘「VESSEL 發現號03」（觀塘海濱道86號）
活動詳情：（按此）
免費工作坊報名連結：（按此）

9月14日更新

旺角｜MOKO新世紀廣場

MOKO新世紀廣場以“A Walk in the City @MOKO”為題，於中秋節期間舉辦「秋語風商店街」，於週末期間引入唔同類型嘅本地品牌的應節精品；而9月16日起至10月31日期間，於場內以電子貨幣消費滿指定金額可獲贈HK$100起嘅指定贈券套裝。另外商場各樓層會展示一系以香港傳統霓虹燈為題嘅特色裝置同擺設，無論shopping定係打卡都滿足到你～

「MOKO週末『集』慣 – 秋語風商店街」
日期：9月29日至10月23日期間，周六、日及公眾假期
地點：MOKO新世紀廣場L2、L3

旺角｜MOKO新世紀廣場

秋高氣爽嘅天氣，最適合戶外活動，如果你鍾意露營，咁就要去朗豪坊喇！商場將於9月21日至10月23日舉辦《朗豪坊x Snoopy戶外探險之旅》，Snoopy與一眾好友會換上露營裝束同大家見面。場內設置3米巨型發光吹氣Snoopy、Woodstock「瞓身」帶領各位走訪森林營地。同場嘅期間限定店更獨家首賣多款Snoopy露營系列精品以及Snoopy甜點，為露營作充分準備！

《朗豪坊 x Snoopy戶外探險之旅》
日期：9月21日至10月23日
地點：朗豪坊4樓通天廣場