新加坡大型親子遊樂中心登陸將軍澳！ 13,000呎太空主題場館．6米高彈床

新加坡最大型親子遊樂中心「Kiztopia」自一年半前進駐香港，旗下多個品牌包括Kiztopia、Bouncetopia by Kiztopia同Jumptopia均大受歡迎，近日更宣佈喺香港開設第2間分店，將於5月登陸將軍澳中心。近13,000呎嘅遊樂場以「太空」為主題，初次結合多元化創新科技元素喺多達19個遊樂體驗區域之中，大大提升挑戰性同趣味性！商場仲設有開幕限定嘅5大體能挑戰專區，想帶小朋友玩就要把握時間喇。

親子遊樂中心19大體驗區+巨型攀爬區

Kiztopia全新嘅將軍澳分店總共有19個遊樂體驗區，當中最矚目且最具挑戰性嘅設施就係佔全場面積近三分之一嘅「Tiger’s Mojo Zone超巨型攀爬區」，係全港規模數一數二嘅兒童攀爬設備嚟㗎，當中包括2大全新焦點地帶：極速滑梯地帶同火山滑梯地帶。前者為8.5米長嘅滑梯，小朋友可以乘坐橡皮艇坐墊自由滑落，雙重減低身體接觸滑道嘅摩擦力，速度加上自轉同離心力，好刺激㗎～後者嘅火山滑梯地帶，則以不銹鋼製成嘅長滑梯帶嚟冰爽快感，隨住身體滑下滑道嘅摩擦力步步升溫，最終會極速穿越「火山」，蹤身躍進「溶岩」波波池入面！

多元科技領域+職業體驗遊戲

大家可以喺科學家「Mark」嘅帶領底下，體驗跳彈床結合體感互動同投影技術嘅任務型遊戲！除咗體驗跳彈床瞬間無重力嘅樂趣外，玩家仲需要進一步理解四周投影所派發嘅星際任務指示，例如喺起跳時要做出投籃動作，或將整個身體貼上牆等，通過與其他玩家進行競賽，比一般跳彈床更具挑戰性同娛樂感。

區域同時仲有以迷你彈床結合體感互動進行障礙模擬遊戲嘅「星際彈床模擬遊戲」，同埋以STEM為靈感、考驗腦力同技巧嘅「探測機械人競技」。另外，中心更設有「全新原創角色職業體驗」，畀小朋友玩遊戲之餘，可以探索唔同職業主題，有助提升8大兒童成長智能。

Kiztopia香港將軍澳分店
地點：將軍澳唐德街9號將軍澳中心G35
電話：2891 2037 / 2891 2038 / 6936 4663（WhatsApp）
官網詳情：按此

商場限定5大體能專區

為慶祝Kiztopia落戶商場，由4月29日至5月26日期間，將軍澳中心特別同Kiztopia聯乘推出「將軍澳中心 x Kiztopia星際彈遊太空站」，商場中庭將以新分店嘅「太空」主題，加碼推出期間限定彈床遊樂空間，畀大人同小朋友都可以置身太空「無重狀態」，喺場內率先盡情彈跳！屆時除咗有逾6米高嘅彈床外，更有「衝刺跑道」、「投籃火箭波波池」、「榔牙棒隧道」、「6米高滑梯」同「彈弓障礙賽道」5大體能專區。

兩大早鳥優惠

1）於指定日期內，公眾及The Point會員透過指定平台預先購買門票，分別可享低至9折及85折早鳥優惠

2）另外，The Point會員以電子貨幣消費滿指定金額，可免費換領門票：

• 以電子貨幣消費滿$600起，即可免費換領「Kiztopia星際彈遊太空站」平日門票1張（包含1名大人及1名小童；25分鐘套票）
• 買滿$900，最多累積２張發票，可換領「Kiztopia星際彈遊太空站」假日門票1張（包含1名大人及1名小童；25分鐘套票）
• 買滿$2,200，最多累積3張發票，更可換領Kiztopia 將軍澳中心店價值$158平日套票1張（包含１名大人及１名小童；１小時套票）
• 買滿$3,000，最多累積3張發票，更可換領Kiztopia 將軍澳中心店價值$208假日套票1張（包含１名大人及１名小童；1小時套票）

期間限定「將軍澳中心 x Kiztopia 星際彈遊太空站」

• 日期：2024年4月29日至5月26日
• 地點：將軍澳唐德街9號將軍澳中心中庭
• 時間：星期一至五：12:00-20:00；星期六至日及公眾假期：10:00-20:00（25分鐘一節，每2節完結後會進行清潔10分鐘）
• 電話：2891 2037/ 2891 2038/ 6936 4663（WhatsApp）

一般票價：

• 平日：$48（25分鐘）
• 週末及公眾假期：$68（25分鐘）
• 購票地點：Kiztopia將軍澳中心店（G35-G40）

【85折！】The Point會員專享　早鳥折扣優惠：

• 日期：即日起至4月28日
• 購票地點：Kiztopia將軍澳中心店（G35-G40）

#購票即享場內逾60項驚喜商戶優惠：購買Kiztopia手帶，憑門票於場內指定商戶消費，即可享受近60項涵蓋美食、玩具、時尚等驚喜消費禮遇。