與Wally過窩心聖誕   黃埔六大靚靚打卡位

大小朋友都咁鍾意嘅大冒險家 Wally，今個聖誕帶埋Wenda同埋寵物 Woof由英國飛到嚟香港，同大家一齊過個窩心聖誕！畀個提示大家，佢會stay喺黃埔天地呀，睇熟呢篇六大打卡位指南，就實可以輕輕鬆鬆搵到Where’s Wally喇！

窩心打卡位一： 飄雪愛願水晶球
地點：黃埔天地「黃埔號」

聖誕節就係要同愛嘅人好好相聚呢。兩米高嘅立體Wally同佢愛犬Woof，已經企定定喺入口位置迎接大家喇。另一邊則係Wally同女朋友Wenda出現喺聖誕帽造型嘅水晶球內，

窩心位二：聖誕遇見愛
地點：黃埔天地時尚坊地庫中庭

喺呢個充滿愛嘅節日，當然要同愛人喺巨型立體「LOVE」字前放個閃啦，O字個窿仲係心心嚟添呀。好有愛！

窩心位三：心心相印隧道
地點：黃埔天地時尚坊地庫中庭

一路走來都係滿滿嘅愛，頂部掛滿心心吊飾嘅心型隧道，最啱同朋友仲有好多個Wally一齊影張大合照~

窩心位四：愛升溫熱氣球
地點：黃埔天地時尚坊地庫中庭

未有機會坐真‧熱氣球嘅，可以坐住呢個心心熱氣球先呀，兩邊仲種滿雙色玫瑰花，有夠浪漫。

窩心位五：玫瑰花香玻璃屋
地點：黃埔天地聚寶坊門口

好似Wally同Wendy一樣，拖實最愛一齊喺微黃街燈下漫步，係小日子中嘅幸福呢，心形霓虹燈牆仲有多款愛嘅語句同圖案添。

窩心位六：愛心傳送門
地點：黃埔天地享膳坊

同愛人一齊走過呢道傳送門吧，伴以多個LED發光心心，完全被愛同Wally將你包圍呀。

「Where’s Wally 愛的信箱」

愛要有行動呢~ 除咗以上6大打卡位外，黃埔天地仲特設「愛的信箱」，畀大家可以及時將愛送畀身邊嘅人。只要大家帶定信紙或明信片，就可以喺卡上印上可愛嘅聖誕 Wally印章，寫埋冧豬語句，就可以送出啦。印章一套4款，每個打卡位嘅場景都唔同㗎！

全城獨家「 Where’s Wally 愛的足印」限量版旅行精品

想帶埋Wally返屋企都冇問題，有多款全城獨家嘅旅行精品，包括行李帶、旅遊證件套、明信片連特別版 Wally 郵票等，款款都咁精緻，極具收藏價值，換領詳情如下：